تدبيس إبليس

بس دا (إبليس) كان مأكّدلى إنى مش هاموت فجأة.

ومأكّدلى إن الناس اللى بتموت دى كلها كانوا حاسين إنهم هيموتوا من قبلها.

ومأكدلى إنى هاتوب وربنا هيغفر لى عادى... بس كمان شوية.

ومأكدلى إنى باعمل حاجات غلط (ما اختلفناش)... بس مش هاطوّل فيها يعنى، وهارجع على طول.

ومأكدلى إن النار أفظع من إنى أتعذب فيها.. دى للكفار فقط.

ومأكدلى إن فيه معاصى لازم كل الشباب يعملوها عادى... وأنا من الشباب.

ومأكدلى إنى لما باعلى صوتى على أبويا وأمى: مبيزعلوش!

ومأكدلى إن الناس اللى بيصلوا دول فيهم ناس حرامية وشيوخ منصر... وإن الصلاة (مهمة آه) بس مش كل حاجة يعنى.

عبدالله محمد 

القليوبية