بالفيديو.. السيسي: "هرجع بحيرات مصر كلها زي ما كانت"
طالب الرئيس عبدالفتاح السيسي، بحل أزمة التعدي على أراضي الدولة، قائلًا:"في محور اسمه أم زغيوي، كان اللواء كامل بيتكلم معايا في مشروع .. إن إحنا نوسع محور 26 يوليو قولتله عندكم محور تاني نعمله ونعمل محور تاني موازي ليه ينهي التعدي على كينج مريوط".
وأوضح "السيسي"، خلال كلمته في افتتاحية مشروع الـ 1300 صوبة زراعية، اليوم السبت، "ده معناه إيه .. إن المحافظ وكل المعنيين بالدولة إن موضوع تقنين الأراضي المستردة من كينج مريوط متتعملش إلا لما تتعرض عليا لأن أنا هرجع بحيرات مصر تاني زي ما كانت، والناس التي أصبحت متواجدة هناك يتعرض عليا موضوعهم ولا يقنن الوضع في الأراضي المتعدي عليها على كينج مريوط إلا بعض العرض عليا..ويتعمل المحور الموازي لـ26 يوليو ومحور أم زغيوي، ويقطع الحد الخلفي للتعدي على كينج مريوط".
وأضاف : "الأراضي اللي اتخدت ديه ..اللي إحنا هنقبل أن يتم التقنين لها .. هنأخذ الفلوس بتاعتها كاش، واللي معهوش ميلزموش، هاخد الفلوس كاش ..أنا مش هعمل محور
وأكد الرئيس ، أنه ضد الفوضى والإهمال وليس ضد أحد، قائلًا :"إوعى حد يتصور إني ضد حد .. لا والله أنا ضد الفوضى والإهمال واللا دولة.
والله كل الناس اللي في مصر أهلي وحبايبي وأخواتي، ولكن المخالفين بينفذوا اللي عايزينه في الدولة وهذا خطأ.. ولا يليق بنا .. وأمال احنا قاعدين بنعمل إيه ..كل الناس أهلي وحبايبي وإخواتي، اسمعوها مني الناس بتعمل في الدولة اللي هي عايزاه".
شاهد الفيديو..