أحمد السودة صاحب أحسن تعديل سيارة في مصر:"الموناليزا معروفة على مستوي العالم"

ظل حلم تصميم سيارته يرواده منذ الصغر حتى استطاع تحقيق حلمه، ويثبت أن العقول المصرية تستطيع المنافسة فى مجال تصميم السيارات، حصل على جائزة صاحب أحسن تعديل سيارة كوبيه على مستوى الجمهورية و6 جوائز أخرى،  "أحمد السودة" الشاب المصرى ابن الدقهلية حول حلمه إلى حقيقة على أرض الواقع طوال خمس سنوات هى عمر مراحل تصميم سيارته فى مدينة المنصورة والتى لم تختلف كثيرًا عن تصميمات السيارات العالمية مثل فيرارى وليمبورجينى وغيرها.

 

و قال أحمد " سيارتي مشهورة بالموناليزا والحمدلله ناس كتير علي مستوي العالم أنا معرفهمش منهم مصريين ومنهم عرب كلموني وشكروني على اللي عملته ف السيارة من تعديلات، ودلوقتي بجهز تعديل تاني خالص يوصلني للعالمية إن شاء الله، والله أنا بعمل كل ده مش عشان نفسي عشان أرفع اسم مصر والدليل علي كلامي إن كل

ايفنت بكسبه مش بدخل باسمي لاء بدخل باسم بلدي مصر .

 

وأضاف أنه يوجه رسالة لكل شاب مصرى "غاوى" تعديل و روشنة السيارات قائلا "أولا عدل سيارتك عشان تبقي عملت حاجة عالأقل لبلدك ترفع بيها اسم مصر لأن الصور دي الكل بيشوفها وحتي تبقي عملت حاجة لبلدك ف حاجة إنتا بتحبها".

 

وأشار أحمد أنه مغرم بالغناء أيضًا بجانب روشنة السيارات، وأصدر منذ أيام أغنية بمناسبة عيد الأم اسمها ضميني ضمه حيث حصلت على 300 ألف مشاهدة فى 24 ساعة، وأضاف "قدمت ٨ ابتهالات دينية أخرى"