عضو بلجنة صحة النواب لوزيرة الصحة: إحنا في ظهرك وربنا معاكي

كتبت - ماجده صالح:

قال النائب الدكور حاتم عبد الحميد، عضو لجنة الشئون الصحية بمجلس النواب، إنه سعيد بتولى الدكتورة هالة زايد،  منصب وزير فى حكومة الدكتور مصطفى مدبولى.

وأضاف "عبد الحميد": فى كلمته خلال اجتماع لجنة الشئون الصحية بمجلس النواب اليوم،  الأحد المنعقد بحضور الوزيرة، للاستماع إلى بيانها بشأن سياسة العمل خلال الفترة القادمة، موجها حديثه لوزيرة الصحة:

"انتى بنت الصحة وأنا فرحت لما بنت من بنات الصحة مسكت الوزارة، ولا تشيلى هم، وأنا شايفك اتخضيتى شوية، وبقولك لا تقلقى وربنا معاكى وإحنا فى ضهرك، واللجنة فيها قامات، وانتى معانا هنفيدك وتفيدينا".

واستطرد النائب، موجها حديثه لوزيرة الصحة:

"بحييكى على 4 قرارات أخذتيهم، منهم قرار الطب العلاجى، وغيرها، أخدتيها بمنتهى الشجاعة، وأوصيكى يا بنتى أو يا أختى أى مسئول معاكى مش بيشتغل علطول شيليه، مش هنطبطب على حد".

وتابع: "كل بيت فيه مريض، ومحدش بيختار مرضه، عايزين اهتمام بصحة الناس، ولازم القرار 37 بتاع الطوارىء يتلغى، مينفعش على ما المريض يتصل ويسأل فيه عندكم سرير الطوارىء وعلى ما يردوا عليه يكون مات ".