رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين

بالفيديو.. شاهيناز ضياء تروي تفاصيل اعتداء زوجها عليها

شاهيناز ضياء
شاهيناز ضياء

روت المطربة شاهيناز ضياء، تفاصيل واقعة الاعتداء التي تعرضت لها علي يد زوجها والجدل الدائر حولها على مواقع التواصل ااجتماعي 

وقالت "شاهيناز"، خلال حوارهاببرنامج "رأي عام"،  على فضائية "ten" مساء اليوم : "أنا كنت مسافرة خارج مصر أصور كليب بعلم زوجي، وطلب ياخذ الولد في الوقت اللي أنا سافرت فيه، وأهلي أعطوا له الولد بحسن نية".

وأضافت: "اخذ الولد وبدأ يبعت لي تهديدات علي الواتس اب، وأول ما نزلت مصر كلمت صاحبه، علشان يجيب الولد، وبعد ما كلمه اتفقنا إني هروح ليه علي الكافيه بالليل يوم السبت علشان الولد هيكون معاه.و روحت الكافيه ووالدتي كانت معايا وفضلت في العربية جنب الكافيه، ونزلت لوحدي علشان أخذ الولد، لقيته واقف خارج الكافيه بيتكلم في التليفون والولد مكنش معاه".

وتابعت: "سألته على الولد قالي مش معايا، قولتله أما تجيب الولد ابقي هاتهولي علي البيت ومشيت ركبت العربية، جه

ورايا قاللي انزلي، قلت له مش هنزل واللي بيني وبينك الولد بس، مش هتكلم في أي حاجة غير كده، زعق وقال لي لما اقولك انزلي تبقي تنزلي بدل ما أمد إيدي عليكي، وشتم أمي بألفاظ قذرة".

وأكملت"زعقت فيه جامد أما شتم أمي، وفتح باب العربية ومسك فيا وضربني، أمي جريت علشان تمنعه ضربها ووقعت علي الأرض، وأما جيت أدافع عن أمي ضربني بوكس في وشي، ومناخيري نزلت دم، وأغمي عليا والناس اتلمت وهو فضل يشتم"، موضحة "الواقعة كانت جنب الكافيه، والناس كلها كانت شايفانا، ومفيش أي حد حاول يتدخل".