رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

‬أنا مهما ذاكرت هشيل‮ .. ‬ولا مرة هجيب تقدير

الصفحه الاخيره

الاثنين, 13 يونيو 2011 17:01
كتب ـ عبدالرحمن الشريف‮:‬


رغم انشغال معظم الطلاب بالمذاكرة حاليا،‮ ‬إلا أن بعضهم مازال‮ ‬يتواصل مع أصدقائه علي موقع الفيس بوك ،‮ ‬وينشرون التعليقات الطريفة التي‮ ‬يعبرون بها عن تشاؤمهم من النجاح بسهولة‮.‬

ومن أطرف التعليقات التي‮ ‬كتبها طلاب الفيس‮:‬

علي‮ ‬رأي‮ ‬الشاعر المجهول الفاشل

أنا مهما ذاكرت هبرشم‮ ..‬

أنا مهما ذاكرت هشيل‮ ..‬

مش ممكن‮ ‬يوم هتقدم ولا مرة هجيب تقدير

أحلي حاجة إن أبوك‮ ‬يبقي مخبي‮ ‬سلك الكمبيوتر،‮ ‬وإنت قاعد طول اليوم وفاتح الفيس بوك من الموبايل و بعدين تزهق من الفيس بوك تقوم تقعد ترغي‮ ‬في‮ ‬الموبايل،‮ ‬وبعدين

تزهق تقوم ماسك الكتاب ويقوم أبوك داخل عليك و‮ ‬يقولك‮: ‬ربنا‮ ‬يوفقك‮ ‬يا ابني‮.. ‬قوم ريحلك شوية المذاكرة مش علي طول كده‮.‬

الفيس بوك الأيام دي‮ ‬علشان الامتحانات كل الطلبة بتدخل عليه من الموبايل،‮ ‬ليه بقي‮.. ‬كل واحد وواحدة ماسكين الكتاب وحاطين الموبايل في‮ ‬النص ونازلين شات ولايك وكمنتات في‮ ‬الفيس بوك،‮ ‬وأبوه ولا أمه‮ ‬يعدي‮ ‬يلاقيه مموت نفسه في‮ ‬المذاكرة،‮ ‬وأمه تقوله‮ ‬يا رب‮ ‬يا ابني أشوفك زي

أحمد زويل‮... ‬آدي‮ ‬دقني‮ ‬لو فلح‮ ‬يا حاجة‮.‬

علي رأي‮ ‬الشاعر المجهول الفاشل أيضا‮:‬

زغرتي‮ ‬يا إنشراح‮.. ‬ع الترم اللي‮ ‬راح

زغرتي‮ ‬يا أم شاكر‮.. ‬ما اللي‮ ‬ذاكر ذاكر

زغرتي‮ ‬يا اعتماد‮.. ‬ده أنا شكلي‮ ‬حشيل مواد

زغرتي‮ ‬يا أم ناجي‮.. ‬علي ما امتحن وآجي

زغرتي‮ ‬يا أم مي‮.. ‬ده المراقب جاي

زغرتي‮ ‬يا عديلة‮.. ‬علي خيبتنا التقيلة

زغرتي‮ ‬يا أم الهنا‮.. ‬ده اللي ذاكر ذاكر من أول السنة

إرأعي بالصوت‮ ‬يا أم شهاب‮.. ‬أنا لسة مفتحتش كتاب

وزغرتي‮ ‬يا أم وائل‮.. ‬مش هطلع م الاوائل‮.‬

زغرتي‮ ‬يا أم فاروق‮.. ‬الناس ضايعة في‮ ‬حقوق‮.‬

زغرتي‮ ‬يا أم رحاب‮.. ‬الناس لايصة ف آداب‮.‬

وياعيني ع اللي في‮ ‬تجارة‮.. ‬دماغهم لسة ع المحارة‮.‬

ورايحه فين‮ ‬يا بجعة‮.. ‬رايحة‮ .. ‬امتحن ومش راجعه

أهم الاخبار