رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

قصيدة ثورة سلمية

أرسل محمد خورشيد أحد قراء "بوابة الوفد" الإلكترونية، كلمات فى الزجل عن حال مصر قبل الثورة، ثم أحداث الثورة وصولاً إلى تنحى الرئيس السابق، وفرحة الشعب المصري،نعرض لها فيما يلى:

سلمية كانت سلمية أغنية ميدان مصرية

غنوة سلامة لمسالم طالب قيراط مش مية

وزعقة كانت من جوه خرجت لسامع مش هوه

صم الآذان واستجرا وفتح عينيه واستقرا

وقال دا همه مش همه ولا عينيه مغمية

صبح وفاق من غفله والحد زاد واستعفى

وطبلة رنة في ميدانهم طارت وحطت في ودانهم

حد المطالب في مزيادة قال الرئيس مفيش فايدة

حاور وراوغ في خطابه والأمر كان في نصابه

عين سليمان بوصية في رائي تستيفه مش هيه

برقة عيون معدية طبعت إجابة فورية

"الشعب يريد إسقاط النظام"

حاور وراوغ من تاني وغير وزير والتاني

والباقي ثابت في مكاني واللزقة صناعة إنجليزية

أفهم عبارة انكتبت نص الرسالة انحذفت

سكت وقال مش فاهم نص الرسالة المقرية

زاد الشعب في عناده والحق شعشع وزاده

راحوله قصره ومفاده يجيبو راس الضحية

ويوم الجمعة في عصرية طلع سليمان بوصية

كتبها رئيس الجمهورية قال مصر أخيرًا مش ليه

خرج الشعب في هليلة وليلة كانت بألف ليلة

رقص الشباب من الفرحة ومصر جميلة وبطرحة

رجعت مكانها ومسامحة لظلم ولاد الحرامية

أهم الاخبار