فيديو.. من تانى التحرير

الصفحه الاخيره

الخميس, 26 مايو 2011 11:51
كتبت- ناهد إمام


إنت الجيش على عينى وراسي

لكن بردو أنا اسمى الشعب

دورك كان فى الثورة أساسي

مش بنكر لك رفض الضرب

كتر خيرك لما حمتنى

بوسة كبيرة وحضن كبير

واما بحس إن أنت نستنى

بنزل من تانى التحرير

سبنى العفو للخالق يقدر

لكن حقي أنا مش هنساه

يعنى العين بالعين وده حقى

لكن عينى ما هيش شايفاه

يعنى الواجب تسمع منى

عندى مطالب ليا حقوق

وتحاكم كل اللى ظلمنى

وترجع حقى المسلوب

كل فلوسي هترجع ليا

أيوة فلوسي مهياش دية

ومحدش بيمن عليا

حر وراسي هتفضل فوق

سيبنا العفو الخالق يقدر

لكن حقي أنا مش هنساه

عندى شهيد مقتول برصاصهم

وأنا مأخدتش لسه عزاه

 

هذه هى كلمات أغنية " من تانى التحرير" للمطرب

والملحن الشاب محمد النحاس، التى قدمها اليوم الخميس بمناسبة النزول غداً فى ثورة مصر الثانية، المسماة بثورة الغضب الثانية، والتى سيشارك بها ائتلاف شباب الثورة بكل أطيافه، بينما أحجمت بعض القوى السياسية عن المشاركة.

" من تانى التحرير " من كلمات محمد السيد، توزيع وهندسة صوتية مصطفي جويدة، اخراج وائل احمد عبدالله، انتاج ويلز بوكس wellsbox.com .

شاهد الفيديو


 

أهم الاخبار