فيديو.. محمود سعد يدعو لمليونية الجمعة القادمة

الصفحه الاخيره

الثلاثاء, 24 مايو 2011 16:02
كتبت- ناهد إمام:


"أنا رأيي أن المجلس القادم، ورئيس الجمهورية القادم لن يعبر عن الثورة ولكن الثورة أرست مبدأ عظيما جدا وهو أنها فى يوم هتجيب رئيسها، وهتجيب فى يوم من الأيام مجلسها، وغيرت فكرة إن رئيس الجمهورية يقعد للأبد "، هذا ما أكده الإعلامى محمود سعد أمس الإثنين فى برنامج " فى الميدان " على قناة التحرير.

ودعا سعد إلى بذل الجهد، ونزول المصريين مرة أخرى للمطالبة بتحقيق مطالب الثورة يتبعها اصدار قرارات ثورية، قائلا:" أنا رأيي إن الناس كلها لازم تنزل، ثورة من

أجل انقاذ الثورة يوم الجمعة الجاى، الناس لازم تغضب وتتمسك بتحقيق مطالبها، لأن الثورة لتغيير النظام، واحنا اسقطنا جزءا من النظام، لكن بقية النظام زى ما هوه، لابد نشيل وكلاء الوزارة والشباب يطلعوا، لتحقيق العدالة الاجتماعية وانقاذ البسطاء من الورطات المتتالية، علشان الناس تحس بالثورة، وأنا بقول للناس معاكو حق بس لازم تصبروا شوية لأن الثورة بتاخد وقت، مفيش ثورة بتحقق كل حاجة بين يوم وليلة".

واتفق سعد مع موقف شباب الثورة الذين قاطعوا الحوار الوطنى أمس الأول اعتراضا على مشاركة رموز من الحزب الوطنى ، قائلا:" لا يمكن ان يجلس من لا يؤمن بالثورة فى مكانه ، معادش يستطيع المفترى أنه يقعد فى مكانه، مش مؤمن بحق الناس فى العدالة والحياة الكريمة والحرية، معادش له مكان، ومش معنى ده انه يمشي ولكن معناه أنه لا يشارك فى هذا العمل زى ما حصل فى مؤتمر الحوار الوطنى، دول حكموا 30 سنة وفشلوا وودونا فى ستين داهية لسه هيقعدوا يخططوا لمصر تانى، أنا مش بقول نعزلهم سياسيا وإن كنت أرى عزلهم سياسيا وإنما مش عاوزين نوصل الحكاية لكده ولكن على الأقل لا يشاركوا فى انقاذ البلد".

فيديو


 

 

 

 

أهم الاخبار