مشروب حبيبات الفاكهة‮ ‬يثير‮ ‬غضب رواد‮ "‬الفيس بوك‮"‬

كتبت ـ هدير أحمد‮ :‬

هااي‮ ‬إنت‮ !! ‬صوبعك إتعور؟ مش عارف تطلع الفاكهة من مشروب الحبيبات؟

بتستخبي من الناس عشان تعرف تجيب حته الأناناس،‮ ‬وبرضوا مبتعرفش؟

إعمل لايك للصفحة وسيب الموضوع دا علينا‮.‬

بهذا التعليق تستقبلك صفحة جديدة علي موقع الفيس بوك للتواصل الاجتماعي‮ ‬تحمل اسم‮: "‬حملة توسيع فتحه مشروب‮

‬حبيبات الفاكهه عشان الفاكهة مبتنزلش كلها‮".‬

ووصل عدد المشاركين في‮ ‬الصفحة إلي أكثر من‮ ‬32‮ ‬ألف شخص ساهموا بالاقتراحات الطريفة،‮ ‬منها ما قاله ميدو‮: "‬أنا عندي‮ ‬حل لتوسيع الفتحة‮. ‬وعلي فكرة أنا جربت الحل ده قبل كده،‮

‬حطو العصير في‮ ‬فريزر الثلاجة وسيبوه لحد تاني‮ ‬يوم،‮ ‬هتلاقو الكان انفجر و الغطا كله مفتوح،‮ ‬طلعوه وسيبوه شوية لحد ما‮ ‬يفك و‮ ‬يسيح،‮ ‬أو ممكن تاكلوه علي طول بالمعلقة وهيبقي‮ (‬أيس حبيبات‮) !! "‬

وهدد بعض المشاركين في‮ ‬الصفحة بمظاهرة مليونية تحمل شعار‮: "‬مش هنرجع‮ ‬غير لما توسع‮"‬،‮ ‬وكذا شعار‮: "‬زنقا زنقا دار دار‮ .. ‬حنوسعها مهما صار‮".‬

أهم الاخبار