رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

عاوزين رئيس "اتربي" فى حارة !

الصفحه الاخيره

الأحد, 17 أبريل 2011 19:14
كتبت علياء ناصف


"أنا عايز رئيس اتربى فى حارة".. هكذا عبر أحد أبناء مصر عن الشرط الرئيسي الذي يريد توافره في رئيس مصر القادم وتبعه آخرون ممن لديهم حسابات على الفيس بوك، من خلال قيامه بتدشين صفحة على "الفيس بوك" تحت هذا العنوان.

يعبر مدشن صفحة "أنا عايز رئيس اتربى فى حارة" عن مضمون الفكرة

بقوله: "عايزين رئيس اتربى فى شارع.. اتربى فى حارة.. وسط الناس.. عاش مشاكلهم..

مصر كلها فقراء يبقى اللى يمثلها واحد زيهم يقدر ينقذهم.. أنا عايز رئيس يحس بفقير، يحس بمريض، يعطف على يتيم.. أنا عايز رئيس ينزل الشارع يسأل كل واحد تعبان ليه،

يسأل شاب عن طموحه، يسأل راجل عن حال ولاده وإزاى بيربيهم، يسأل عجوز عن آخر آماله..

رئيس يعيش وسطنا.. ينزل يمشى معانا.. أركب أتوبيس ألاقيه جنبى بيسأل عن الأجرة عن الزحمة ألاقيه فى طابور عيش فى مستشفى، فى مدرسة، فى جامعة، فى مصلحة حكومية.. نفسى أشوف بكره أحلى من كده، ونفسى أشوف حاكم بلدى من بلدى، مش اتربى فى أمريكا، أو اتكلم باسمنا وعارض عشان بس يوصل للكرسى".

 

أهم الاخبار