رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

(أصلي حلمت.. قصيدة قبل التنحي)

الصفحه الاخيره

الخميس, 31 مارس 2011 18:52
شعر-آدم المصري:

الحكاية كلها مدبرة

مش عشان نفضل هنا

أو عشان نرجع بيوتنا

لكن عشان نرجع ورا

مية سنة.. مليون سنة

ما انتش عايز مصر منورة!!!

 

30 سنة؟!

30 سنة فساد واستبداد وظلم ف العباد

حتي اللون كله أصبح سواد

ازاي هانت عليك؟ وازاي هانوا الولاد؟

مش هاتسامحك ولا هانسامحك

ولا هايسامحك رب العباد..

 

30 سنة؟!

30 سنة ممنوع نحلم.. ممنوع نفهم

ممنوع نتعلم.. ممنوع نتكلم

حتي الأكل اتسمم!!

طب قولي يا ريس.. ممكن نتألم؟!

 

70 مليار؟! دولار؟! يا نهار!!!

دي بلدنا بتنهار وولادنا بتنهار وأنا بنهار

دا انا كنت فاكرك راجل- فلاح شريف بطل.. طيار!!

طلعت خاين جاسوس خسيس.. طلعت غدار

 

إرحل إرحل وإوعك ترجع أنا مش هارجع..

أنا مش هاأرجع زي زمان!

أصلي حلمت وفهمت وإتعلمت وإتكلمت واتألمت...

وحقي هايرجع والله ليرجع

وإنت مالكشي عندي أمان..

 

 

 

أهم الاخبار