رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

على الرغم من القائمة السوداء.. غادة عبد الرازق " اشحنلى وأعرضلك" فى مايو

الصفحه الاخيره

الثلاثاء, 29 مارس 2011 20:56
كتبت- ناهد إمام:


عن قصة فتيات يقمن بعرض أجسادهن فى غرف " التشات" فى مقابل أن يشحن الزبون، الذى يدردش مع الواحدة منهن, الموبايل الخاص بها، يبدأ فى مايو المقبل تصوير فيلم " شحنلي وأعرضلك" الذي تقوم ببطولته غادة عبد الرازق، بمشاركة ريم البارودى وباسم سمرة وإدوارد.

جاء الإعلان عن موعد تصوير الفيلم بعد تمسك المخرج هانى فوزى بغادة عبد الرازق التى كان المنتج أحمد السبكى قد طلب استبدالها بسبب إدراج اسمها فى القائمة السوداء المعادية لثورة مصر، والمؤيدة للنظام السابق، إلا أن هانى تمسك بغادة كبطلة للفيلم وعرض تأجيل التصوير مقدراً لذلك مايو المقبل.

يأتى هذا الإعلان فى ظل مطالبات من الشباب بمقاطعة الفن الهابط ، ودعا شباب الفيس بوك لمقاطعة الفن الهابط الذى يشوه سمعة مصر أمام العالم.

يقول الشباب: " ... هي مشاكل الشعوب بتتحل بالتعري و الإباحية؟ و هي كل مصر بتعيش في العشوائيات و تشرب الحشيش ؟ هل نرى السينما في العالم تبرز الوجه القبيح للدول ؟ لما نسمع إن قطر تتجه لعمل فيلم مع هوليوود عن الرسول محمد بقيمة 150 مليون دولار و المخرجين عندنا عايزين يستغلوا أي قضية تافهة علشان يدسوا من خلالها التعري و الإباحية و الأفلام تحقق إيرادات نعمل ايه؟؟ لما الناس تقولك مصر دي أم الجنس و التحرش و الحشيش و العشوائيات علشان

خالد يوسف او غيره يملأ جيبه نعمل إيه ؟؟ لما نلاقي أمريكا بتعمل أفلاما عالمية زي avatar و السينما الأمريكية بتمجد في أمريكا و توصفها بأقوى قوة فى العالم و السينما عندنا كل همها تشوه في مصر نعمل إيه ؟؟

الحل بسيط و هو المقاطعة، للأسف احنا اللي بنتحكم في السينما في مصر، لو كلنا قاطعنا الأعمال المفضوحة دي هيبطلوا يعملوها. ياريت كل مصري بيحب مصر يقاطع ، دي الحضارة الفرعونية من مؤسسين علم الأخلاق في العالم و يقال إن الأخلاق اليونانية مستمدة من مصر، كما أن القرآن الكريم بيحرم الإباحية و التعري (قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون ، وقل للمؤمنات يغضضن من أبصارهن ويحفظن فروجهن) و الرسول بيقول (لكل بني آدم حظ من الزنا فالعينان تزنيان وزناهما النظر واليدان تزنيان وزناهما البطش والرجلان تزنيان وزناهما المشي والفم يزني وزناه القبل والقلب يهوى ويتمنى والفرج يصدق ذلك أو يكذبه) و الإنجيل يقول (اذا نظر رجل لأمراة ليشتهيها فقد زنا بها في قلبه) و أيضا(فإن كانت عينك اليمنى تعثرك

فأقلعها وألقها عنك.لأنه خير لك ان يهلك أحد أعضائك ولا يلقى جسدك كله في جهنم) .

الأعمال دي للأسف لها تأثير قوي لأن المتلقي في السينما بيتأثر أوي من الفيلم و ده كان سببا في فساد كبير في البلد .

طبعا مش خالد يوسف بس في غيره كتير و مش السينما بس. دلوقتي حتى المسلسلات اللي المفروض انها بتدخل كل بيت و بيشوفها الأطفال و كل الناي بقا فيها مشاهد جنسية و ترويج لمحرمات و مفاسد و كمان الأغاني و الفيديو كليب و محاولة إثارة الغرائز بأكبر قدر ممكن، و مصر بلد العلماء و بلد التاريخ السينمائي بقت دولة ملاذ للعاهرات من الوطن العربي، ينشروا سمهم في مصر، حقيقي شغلانة الدعارة مبتجبش همها دلوقي أي وحدة ساقطة تتحول على ايد الجهلة إلى ممثلة و تاخد ملايين كمان من فلوسنا .. فلوس الشعب الغلبان اللي مش لاقي ياكل و عايزين ربنا يرضى عننا ازاي و احنا فلوسنا بتتصرف في الحرام.المواطن العربي عندوا سينما يعني مصر . مسلسلات يعني مصر . مسرحيات يعني مصر . أغاني يعني مصر .. لما يلاقي الفن بتاعنا يقول إيه ؟ يبقى عندهم حق لما يقولك مصر دي بلد الدعارة و الخمور و الحشيش و محدش يلومهم . ما احنا اللي عملين كده في نفسنا.

ياريت يا جماعة الحملة دي تنجح و صدقوني هنقدر لو عندنا عزيمة و إرادة .. احنا اللي بنحرك السينما في مصر" .

يذكر أن ريم البارودى كانت قد صرحت لدى ترشيحها لفيلم " اشحنلى وأعرضلك "، وداعا للالتزام الذى لم يعد يطعم خبزا، مرحبة بأدوار الإغراء الذى سيكون باكورته بالنسبة لها هذا الفيلم.

 

 

 

 

 

 

 

 

 

 

أهم الاخبار