رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

قصيدة الفنان خالد الصاوي..ثلاثين سنة يا شيخ حرام

الصفحه الاخيره

الثلاثاء, 15 مارس 2011 17:34
بقلم الفنان- خالد الصاوى:

ثلاثين سنة يا شيخ حرام

شكلك قديم

 

لأ والأكادة إنك حترحل بعد عمر.. طويل.. طويل

وتسيبلنا الواد الثقيل

يلعب في باقي عمرنا

شوف الدماغ بنت الحرام

يا شيخ حرام

الثورة بكرة يا سيدنا فوق

ده بكرة تحت حيبقى فوق

واللي اتفحت من نور جنابك عمره كله واتخنق

من حسن حظه يجيله يوم..

منك يفوق

بتلوم عليا طول لساني؟

لوم عليك طولة إيديك

مطرح ما اقول ألقى القلم

ومنين ما أروح.. متقفلة

الشاب عجّز من زمن

وبلدنا سقطت مرحلة

انت اللي فاهم كل دبة وحلها

وانت اللي عارف إيه الحلال وإيه الحرام

وانت اللي أطول مالجميع

وانت اللي أحكم من حكم

وانت الحكم، وانت العَدَل

وانت الهرم، وانت الصنم

وانت الحقيقة المزمنة

وما خفي فيك.. ما أعظمه!

إسكندر المقدوني بس طراز جديد

جثمان حديد

فؤاد جليد

وعقل أغرب مالخيال

وحق عشرتنا الطويلة يا شيخ بقى

إخلع بقى

فرصة المطار فاضي ومالطة مريَّحة

والشغل مش على ودنه لسه يا عرب

ده الجاي لوز عالناس، وعلقم عالردي

لون الحياة يرجع فَروزي

والناس مزاجها زمردي

واديني يد على يدي

والنعمة تكفي.. ونكتفي

بس اختفي

أهم الاخبار