بالفيديو..طاهر يقدم دليل "التنين" لانتخاب "حمدين"

الصفحه الاخيره

الثلاثاء, 15 مايو 2012 15:27
بالفيديو..طاهر يقدم دليل التنين لانتخاب حمدين
كتبت – سارة عزو:

أعلن الكاتب عمر طاهر دعمه للمرشح المستقل حمدين صباحي في انتخابات رئاسة الجمهورية من خلال مقطع فيديو بعنوان " دليل التنين في انتخاب حمدين"، والذي طرح من خلاله أسبابه الخاصة التي دفعته لدعمه.

قال طاهر :" هانتخب حمدين صباحي لانه ما بيعرفش يمثل، ولأنه وبعد العمر ده كله في القاهرة لسه محافظ جواه على حمدين الفلاح بتاع البرلس والمنزلة، يمكن عشان ساعدني اتخيله وهو بينط باللباس الدمور في الترعة زيه زي كل صعايدة وفلاحين مصر، وذلك

بعدما أكد صباحي من إصابته بمرض البلهارسيا وعلاجه منها، وعشان في اللحظات المهمة كنا دايما بنشوفه في أول الصفوف".

وأضاف: "ممكن الناس تكون حاطة آمال كبيرة على الرئيس اللي جاي وده اللي محيرها في الاختيار، بس انا مؤمن ان الرئيس اللي جاي مش هيكون المارد اللي يقول شبيك لبيك تطلب ايه ، انا مؤمن انه لازم يكون فاهم ان الشعب هو اللي جابه

هنا و لازم يحترم ارادته".

وعلق طاهر ساخراً على مشكلة النطق السليم لصباحي قائلاً: " محدش فينا عارف هو اسمه بيتنطق حَمَدين ولا حمْدِين صَبَاحي ولا صَبْاحي،  مشكلة الإسم دي حاجة شبهنا جدا زي اي واحد مصري اسمه في البطاقة نبيل والناس بيندهوله ويقولوله يا خالد". 

وقال: "يمكن كل اللي قلته اسباب عاطفية طالعة من القلب مش من العقل، بس العقل هيعمل ايه في مرشحين محدش فيهم خالي من العيوب، وكلهم بيقدموا نفس الوعود، أنا مصدق قلبي وهانتخب حمدين صباحي".

واستعان طاهر بعد كل سبب من اسبابه بمقطع صغير من فيلم أو برنامج تليفزيوني، ليدلل على كلامه بالحقائق.

شاهد الفيديو

http://www.youtube.com/watch?v=6RdOp3Ab3nA

أهم الاخبار