رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

دعوة على الفيس بوك لعودة الطيور المهاجرة

الصفحه الاخيره

الأحد, 20 فبراير 2011 19:58
كتبت - علياء ناصف:


وجه مجموعة من الشباب عبر "الفيس بوك" نداءً إلى كل علماء و مفكري مصر المهاجرين للعودة والمساهمة فى بناء مصر، من خلال قيامهم بتدشين "جروب" بعنوان "إلى كل علماء و مفكري مصر ارجعوا لمصركم"، دعا فيه الشباب كل العقول المصرية المهاجرة على اختلاف تخصصاتها ومجالاتها إلى العودة إلى وطنهم والعمل على توجيه كل طاقاتهم وإبداعاتهم للوطن وأهله الذين هم الآن أحوج ما يكون لهم.

وقام الشباب القائمون على أمر هذا "الجروب" بإعطاء فكرة مبسطة عن الهدف منه حيث قالوا:

مصر .. مصر .. مصر

كلمة بنقولها دايما وبنتغنى بيها وقت النصر وبنهتف بيها وقت الشدة

وكأننا بنوجز كل التعبيرات وكل الأحاسيس في كلمة واحدة هي مصر

وبنقولها دايما بالتلاتة .. مصر مصر مصر تعيشي يا مصر.

أول نصر لكابوس تعبنا منه وشفنا فيه أصعب أوقات وعبرنا فيها عن شوقنا لمصر الحرة مصر الديمقراطية مصر الشباب.

وتاني مصر لحلم عشناه كلنا بدمنا وبصوتنا وبأفكارنا وهو إننا نتخلص من كل أسوار الفساد بينا وبين النور.

إيه رأيكو نخلي التالتة تابتة .. ونبدأ

نحافظ عالحلم ونجمله ونخليه أجمل واقع.

مصر النهاردة محتاجة ولادها مش بس في الداخل لا كمان في الخارج خصوصا إن بينهم كفاءات كتيرة وطبعا عاشوا تجارب التقدم بكل أشكاله.

مصر محتاجة اتنين وأربعين ألف حاصل على درجة الدكتوراه ويعيش ويدرس ويشتغل خارج مصر.

مصر محتاجة أكفأ مهندسين عاملين في أكبر مشاريع لأكبر مؤسسات خارج مصر.

مصر محتاجة أمهر أطباء .. مصر محتاجة أذكى سياسيين .. مصر محتاجة العلماء وبالعلم ننمي الإنسان المصري اللي من أذكى الناس في العالم.

مصر يا اخواتي ويا حبايبي ويا كل كفاءة خارج مصر بتنادي عليكو يا ولاد مصر .. مدو ايديكو نشوف بلدنا تبقى أحسن بلد في الدنيا.

مصر .. مصر .. مصر.

أهم الاخبار