رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

"أمسك فساد" على الفيس بوك

الصفحه الاخيره

الثلاثاء, 15 فبراير 2011 17:36
كتبت - سارة عزو:



"أمسك فساد واتصل على 16117" دعوة جديدة ينظمها الشباب على الموقع الاجتماعي الشهير الفيس بوك من أجل الإبلاغ عن الفساد والإطاحة به، وذلك كدور إيجابي جديد للشباب المصري يضاف إلى عصر التغيير.

ويقول القائمون على الصفحة:" سنعمل على تكوين مجموعات من أعضاء الصفحة لنزول الأماكن المعروف عنها بانتشار حالات الفساد، و إذا أتيحت لنا الفرصة سنصورها صوت وصورة ونتصل برقم 16117، وبذلك نكون جميعا مشاركين في عمل النقابة الإدارية من أجل المحافظة

علي خير بلدنا"، وأكدوا ذلك بالقول :" يجب علينا الإبلاغ عن أي شخص يأخذ فلوس من تحت الترابيزة علشان يمشيلك خدمة لأن ده اسمه فساد، أو أي شخص يمَشي واحد قبلك واقف في آخر الطابور علشان تبع فلان وعلان يبقى ده اسمه فساد، أي سواق ميكروباص يقولك الكراسي اربعات يا باشا علشان احنا بالليل اسمه فساد، أي سواق يرفع
الاجرة علشان انا جاي فاضي يا بيه معلش برده اسمه فساد".

وأضافوا : "حتي لو شفت أمين شرطة بيحاول ياخد منك فلوس بلغ عنه وماتتكسفش وقولهم على اللي حصل في المكان و الوقت المحدد وهما هيعرفوا مين امين الشرطة اللي عمل كده، ماتقولش حرام عليا أضر واحد، لو فكرت كويس هتلاقي مليون واحد غيرك هينضر".

ومن جانبهم أكد القائمين على الصفحة قائلين: "هنقف كلنا ايد واحده ضد اي نوع فساد كبير او صغير او تافه وسنتصل على رقم 16117 وسنبلغ فورا عن كل أشكال الفساد".

يذكر أن عدد أعضاء الصفحة وصل لأكثر من 1000 عضو حتى الآن.

 

 

 

أهم الاخبار