قصيدة من ساحة التحرير

قوم يا مصري

الصفحه الاخيره

الأحد, 13 فبراير 2011 22:31
حسين أمين


قومــــــــــــى يا مصــــــر                  ولادك نزلوا للميــــــــدان

بيتوضوا و بيصــــــــــــلوا                و يدعولك سلام و امــــان

مش إرهاب و لا مظاهرة                 دى ثورة هزت الوجدان

عشان بكره عشان بعده                  الشمس ترجع للمكــان

قومى يا مصر خلى الامل                يرجع ينور ليل طويـــــل

نزل الغنى ويا الفقــــــــير                و اللى قلبه كان عليــل

و اللى طول عمره بيحلم                 إنه ما يبقى يوم ذليـــل

نزلوا الولاد يخلقـــــــــــوا                  حلم و كان يوم مستحيل

قومى يا مصر و إرفعى                   راسك بعزه للحيـــــــــاه

مدى إيديكــــــــى للولاد                   الظلم كان واصل مداه

نزلوا الولاد بيحلمــــــــوا                   خلى الشباب

ينول مناه

عزه و كرامة و عيشة حلوة             مش سلطة فيها مال و جاه

قومى يا مصـــــــــــــــــر                   إتطهرى بـــــــــدم الولاد

ضحوا عشانك عمرهــم                   من شرق لغرب البلاد

نزلوا و قالوا إن النهارده                يوم الحساب و مفيش فساد

و كفايه غربة و إحنا جوه              و إحنا بره فى البعـــــــاد

قومى يا مصر و إفرحى                ويا الولاد يوم الإنتصــــار

شاورى عليهم و إفرحى                يوم نصرهم يوم إفتخار

لما بإيديهم غيــــــــــــروا                 طعم القساوة و المرار

قومى يا غالية حيي الولاد             حيى اللى خلوا الليل نهار

 

أهم الاخبار