رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

بالفيديو.."مفيش دليل" قصيدة مهداة لقاضى مبارك

الصفحه الاخيرة

الاثنين, 04 يونيو 2012 13:08
بالفيديو..مفيش دليل قصيدة مهداة لقاضى مبارك
كتبت- ياسمين عبد التواب:

"بخالد سعيد وآثار التعذيب عليه، ودماء الشهداء فى ميدان التحرير، وأحمد حرارة وفقدان عينه، وأم الشهيد، والغاز المسيل للدموع، والخرطوش" ..ردت الشاعرة دعاء عبد الوهاب على ادعاء المستشار أحمد رفعت قاضى محاكمة القرن بعدم وجود أدلة قاطعة لإدانة المتهمين بقتل المتظاهرين بقصيدة "القاضى قال مفيش دليل".

وأهدت عبد الوهاب هذه القصيدة إلى القضاء

المصرى، ووصفت فيها الأحكام القضائية بـ" الوكسة" وجمال وعلاء مبارك بـ"الديابة"  الذين خرجوا أحرارا من القفص، ونص القصيدة كالآتى:
" أنا الدليل
أنا الدم اللى سال ع الأرض
ما استكفِـت
أنا العين اللى صابها الغدر
و اتصفِّـت
أنا الأم اللى حرقوا فؤادها ع الغالى
و لبست شال محنِّى بدمه و
اتدفِّـت
أنا الدليل
أنا المخنوق بـ سم الغاز على الكوبرى
أنا المضروب بـ مِية خرطوش على ضهرى
أنا اللى العمر راح محنة ورا محنة
وقلت شاريكى ولا مرة نفَد صبرى
أنا المجنى عليه واليوم بقيت جانى
واللى قتلنى برئ وعيونه ناكرانى
خرجوا الديابة من القفص أحرااااار
وأنا اللى لسة سجين محبوس ف أكفانى
يا نكسة كانت ف التاريخ و اليوم بقِت وكسة
يا قلوب و متلونة بالغدر و الخِســة
لو كنتوا فاكرين حلمنا ممكن يموت
متفرحووووووووووش
نـــار القصاص و الدم هيتشتعل لســه".
شاهد الفيديو:
http://www.youtube.com/watch?v=2tIGvSjpx5M&feature=related

أهم الاخبار