رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

فيديو..دياب:"متخليش الانتخابات موسم خسارة الأصدقاء"

الصفحه الاخيرة

الاثنين, 14 مايو 2012 19:02
فيديو..دياب:متخليش الانتخابات موسم خسارة الأصدقاء
كتبت – سارة عزو:

"كل مرة بتاخد قرار أو تقول رأيك فيه بيكون موسم خسارة الأصدقاء والمعارف"، هذا ما أكده السيناريست محمد دياب حول تحول الانتخابات لموسم لخسارة الأصدقاء والأقارب والمعارف والمتابعين له عبر مواقع التواصل الاجتماعي المختلفة.

وتحت عنوان "متخليش الانتخابات موسم خسارة الأصدقاء"، بث دياب مقطع فيديو اليوم الإثنين عبر قناته الخاصة "DiabFilms"،  مؤكدا فيه على أن كل حدث كان يفقده العديد من الأصدقاء المختلفين معه في الرأي، حول الاستفتاء وأحداث محمد محمود أو مجلس الوزراء أو العباسية وغيرها من الأحداث التي أبدى رأيه الشخصي وقناعته فيها.

وحول آرائه قال دياب: "الأبيض والأسود انتهي عندي من بعد يوم التنحي، وبقت كل حاجة رمادي، وقت الأحداث والانتخابات، وكل لما تقرب تحدد رأيك، ناس كتيرة ما بقتش بتشوف الرمادي، وبقينا بنشوف اللي مش معانا تماما ضدنا تماماً".

وأضاف:"إذا كانت العلمانية هي فصل الدين عن السياسة، طب ما نخلي الصحوبية هي فصل الصداقة عن السياسة، أنت لو دورت على أصدقائك المتفقين معاك في كل المواقف السياسية من أول الاستفتاء لحد دلوقتي هتلاقي نفسك لوحدك".

وأكد دياب أن لكل شخص بصمة

منفردة لن تتكرر، ولو توحدت الآراء لكان الشخص واحدا، قال:" أنا عارف إن في ناس صحابي هينتخبوا مرشحين فلول وده بالنسبالي مصيبة، لكن عمرى ما هسميهم خونة أو عملاء، بس هقول حسبوها غلط".

وتابع :"الكلام اللي بقولوه ده مش معناه اننا نبطل نقول رأينا، لا أنا هقول رأيي في كل حاجة في الدنيا، بس هتفهم وجهة نظر أصدقائي المختلفة، واتمنى انهم يعملوا معي نفس الموضوع، هحاول لما اكتب رأيي معممش، يعني مثلا لما تهاجم الإسلاميين متنساش ان منهم واحد صاحبك كويس جدا معاك، الفيديو ده انا عامله لأصدقائي وعشان أفكرني وأفكركم ان احنا كلنا عندنا اصحاب والانتخابات اللي جاية كتير، مش عايزين نبقى واقفين لوحدنا في الآخر".

شاهد الفيديو :
http://www.youtube.com/watch?v=ydqAJU6wkNA
 

أهم الاخبار