رئيس حزب الوفد

بهاء الدين أبو شقة

رئيس مجلس الإدارة

د.هانى سري الدين

رئيس التحرير

وجدي زين الدين

"خالد سعيد" تضع 9 شروط للرئيس القادم

الصفحه الاخيرة

السبت, 18 فبراير 2012 10:47
خالد سعيد تضع 9 شروط للرئيس القادم
كتبت - ياسمين عبد التواب:

وضعت صفحة "خالد سعيد" عدة شروط فى عقد العمل الجديد للرئيس القادم لمصر والذى أكدت فيه أن الشعب المصرى لن يسكت مرة أخرى على أى ظلم أو قهر أو فساد.

أوضحت الشروط أن الشعب لن ينتخب رئيسًا لفترتين تجنبًا لوقوعه تحت تأثيرات السلطة، كما ألزامت الرئيس القادم بإبعاد زوجته وأبنائه عن أى سلطة ومناصب سياسية.
وحددت الصفحة الشروط كالآتى:
1-"حضرتك ليك عندنا ٤ سنين تورينا

فيهم شغلك، عجبتنا نختارك تاني معجبتناش هتمشي".
2-"بعد ٨ سنين عجبتنا معجبتناش هتمشي آه أصل البلد دي خلاص مبقتش عزبة يحكمها حد لحد ما يموت".
3-"مع كل احترامنا ليك بس صور تاني على الحيطان في المؤسسات الحكومية .. انسى"!.
4- "حرمك هي زوجة موظف حكومة.. نظام بقى جمع الفلوس من الحكومة لأعمال الهانم الخيرية
مش هياكل معانا".
5-"ولادك مالهمش علاقة بالمناصب السياسية التنفيذية طول ما حضرتك ريس عشان عندنا حساسية من القضية دي"!.
6-" مرتبك هيكون لينا معروف .. وممنوع تدخل في أي شراكات اقتصادية أنت أو عيلت لحد ما تخرج منها بسلام".
7-"خد بالك احنا دلوقتي بقينا نفرق بين حقوقنا وأحلامنا .. الإنجاز إنك تحققلنا أحلامنا مش إنك تجيبلنا حقوقنا".
8-"عايزينك دائما تتكلم مع الشباب وتناقشهم في ندوات ميكونش رئيس مكتبك اللي مختار اللي يحضرها".
9- "ربنا يكون في عونك عشان تحققلنا اللي كنا مستعدين نموت عشان يتحقق".

 

أهم الاخبار