رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

بالفيديو..الثورة مستمرة "شعبى"!

الصفحه الاخيرة

الاثنين, 16 يناير 2012 15:41
بالفيديو..الثورة مستمرة شعبى!
كتبت– سارة عزو:

تداول نشطاء على موقع التواصل الاجتماعي "فيس بوك" مقطع فيديو لأول أغنيه شعبية عن الثورة،  تجمع هتافات الثوار وتؤكد على النزول يوم 25 يناير الجاري في كل ميادين مصر للمطالبة بإسقاط حكم المجلس العسكري، تحت عنوان: "مهرجان الثورة مستمرة - شعبي".

الأغنية التى أداها أحد الشباب على ألحان شعبية "خالصة" كالتى تنتشر فى الأفراح الشعبية، قال من بثها:" أنا عمرى ما غنيت قبل كده ولا هغنى تانى، بس حسيت إن الثورة لازم توصل للناس بالطريقة اللي بيحبوها، وفيه ناس كتير هتستقبل المعلومة بالطريقة دي".
وتدور كلمات أغنية الثورة الشعبية، حول عدم تحقق مطالب الثورة، وسرقة الثورة المصرية، والمحاكمات العسكرية،   وغلاء الأسعار،  كما طالبت

بالنزول يوم 25 يناير لكل ميادين مصر، محذرة من " ثورة الفقير"،  وتقول كلمات الأغنية :

ياللي بتسأل إحنا مين إحنا شباب 25
ورجعنلكم هنا من تاني وها نملأ كل الميادين
عدت سنة أهيه يا بيه قولي الثورة عملت إيه
يا طنطاوي قالك إيه قبل ما يمشي سعادة  البيه
قالك إحبس في الثوار قالك إهدم في الأحرار
قالك إرفع في الأسعار خلي العيشة مرار في مرار
غلي السكر غلي الزيت بكره نبيع لك عفش البيت
ده اللي لسه بيحمي مبارك عمره ما يحمي داري ودارك
قوم يا مصري وقول للجيش فين الأمن وفين العيش
آه ياحكومة هز الوسط كيلو اللحمة بقى بالقسط
هما بياكلوا حمام وفراخ وإحنا الفول دوخنا وداخ
مش لاقيين أنابيب بوتاجاز لإسرائيل صدرتوا الغاز
قولنا نعيش على الحرية بيحاكمونا عسكرية
عسكرية يعني إيه يعني سجون مفتوحة يا بيه
عليّ في سور السجن وعليّ بكرة الثورة تقوم ما تخليّ
اكتب على حيط الزنزانة حكم العسكر عار وخيانة
يا طنطاوي خرب دمر بكرة مصيرك زي معمر
يا طنطاوي يا مجلس عار لا بنزين ولا حتى سولار
يا مشير يا مشير تحتك كرسي وبكره يطير
واحنا طالبين التغيير بكره تشوف غضب الفقير
يا مشير بيه كيلو اللحمة بـ100 جنيه
يا وزراء طفوا التكييف مش لاقيين حق الرغيف
قالوا بنخرب قالوا بنكسر واحنا بنهتف ضد العسكر
يسقط يسقط حكم العسكر احنا الشعب الخط الأحمر
آه يا عسكر يا أوباش بنت مصر متتعراش
صوت الثورة طالع طالع من الكنائس والجوامع من المدارس والمصانع
عايزين يركبوا على ثورتنا إلا الثورة على جثتنا
والثوار راجعين يوم 25

http://www.youtube.com/watch?v=jYyqzofHoDc

أهم الاخبار