بالفيديو.."أديب":" كلنا عارفين مين هيكسب"
أعرب الإعلامي عمرو أديب، عن قلقه الشديد من عدد الذين سيدلون بأصواتهم في الإنتخابات الرئاسية ، حيث قال : «رسمياً الخميس القادم بداية الانتخابات، سنواجه فضيحة بكل المقاييس لو متحركناش، أنا غير مُهتم بمن سيفوز في الإنتخابات، لأن كلنا عارفين مين اللي هيكسب».
وأضاف «أديب» خلال برنامجه «القاهرة اليوم» الذى يُعرض على قناة «اليوم»، مساء السبت : «لو أنت من مؤيدي السيسي، هل هتكون سعيد بفوزه بـ 6 أو 10 مليون صوت، فمحدش يكلمني عن لقاءات المُرشحين مع الفضائيات، دي حاجة و أن الناس تنزل تدي صوتها حاجة تانية».
و تابع : «أنا هبص للعالم إزاى و أقولهم السيسي و حمدين نزلهم 12 أو 13 مليون، عندما تأتى النتيجة بهذا الشكل تبقى انتخابات فاشلة و دولة فاشلة».
و أضاف : «هناك جهات في مصر تدفع أموالاً للناس لعدم النزول، الإخوان شغالين على كده،
و تسائل مُندهشاً : «فين شغل الحملتين، حرام كده هتودوا البلد في ستين داهية، العناوين بره بعد كده هتقول آدى خارطة الطريق، المصريين مش عايزين لا السيسي ولا حمدين دول كانوا بيموتوا في مرسي، كلكم بتفكروا في نفسكم، و محدش بيفكر في البلد ولا الخارجية الأمريكية هتطلع بيان عامل أزاي، الإخوان بيرقصوا واحد منهم قالي ابقي دور عللى هيروح».