سوكة لأسماء محفوظ:

فيديو ..أحمد ماهر قبض 60 ألف دينار من "موزة"

الشارع السياسي

الأحد, 19 يناير 2014 21:16
فيديو ..أحمد ماهر قبض 60 ألف  دينار من موزة
كتب :مصطفي محمود

أذاع الإعلامى عبدالرحيم على, تسريبا جديدا اليوم فى برنامجه "الصندوق الأسود" للناشطة السياسية أسماء محفوظ مع صديقها المعروف باسم "سوكة" والذى أكد خلال المكالمة أنه حصل على أوراق تدين أحمد ماهر مؤسس حركة 6 أبريل وأنه سيتقدم بالأوراق للنيابة العامة  ، مضيفا أنه حصل على معلومات جديدة حول لقاء ماهر مع الشيخة موزة وأنها سلمته مبلغ 60 ألف دينار قطرى

وجاء نص المكالمة كالتالى 
أسماء محفوظ: ألو يا سوكة.. ألو يا باشا
سوكة: ماهر كلمنى قاللى إنت بِتْكلم أسماء؟ قلتله آه بس مكلمتهاش النهارده خااالص.. قاللى بس متردش عليا قلتله معرفش اللى أعرفه إنى قابلتها امبارح
أسماء محفوظ: مش عارف ينام من امبارح.. كل شوية يبعتلى رسالة
سوكة: مين ده؟
أسماء محفوظ: هو ماهر
سوكة: مش عارف ينام.. عنُّه ما نام
أسماء محفوظ: بيحاول يأكدلى أنه عارف عننا حاجات كتير
سوكة: يبقى يثبت ده قدام النيابة
أسماء محفوظ: أى نيابة؟
سوكة: ما احنا هنقدم الورق قدام النيابة
أسماء محفوظ: لا يا راجل
سوكة: آه والله
أسماء محفوظ: نعم  مين قال كده؟
سوكة: إحنا اتفقنا من ساعتين إننا نبلغ عنه النيابة بعد المفاجأة الجديدة عرفنا المبلغ اللى جه من قطر
أسماء محفوظ: كام؟
سوكة: 60 ألف دينار قطرى
أسماء محفوظ: 200 ألف دينار
سوكة: ستين ألف.. الشيخة موزة هيه اللى اديتهمله علشان مشروعين
أسماء محفوظ: مشروعين أيه؟
سوكة: اتقدم  بيه مشروع لــ6 أبريل
أسماء محفوظ: ثانية واحدة
أسماء محفوظ: أيواا يا سوكااا.. أيوه
أسماء محفوظ: المستند ده شكله أيه وجبتوه منين؟
سوكة: المشكلة إننا مش عارفين نجيب المستند بس عرفنا اللى جواه
أسماء محفوظ: مين اللى انتو متأكدين إن الكلام ده صح
سوكة: أيوه طبعًا متأكدين.. ده هو وباسم وإسراء
أسماء محفوظ: الكلام ده صح من أى ناحية؟ يعنى أيه اللى يأكد الكلام ده؟
سوكة: يا بنتى الموضوع ده إحنا عارفينه من زمان بس مكُناش نعرف المبلغ كام إحنا عارفين إنه فيه مبلغ بس كام، ده اللى احنا عرفناه
أسماء محفوظ: ماشى ماشى عرفتوا منين وأيه الإثبات؟ سيبك من إسراء وباسم احنا عارفين شغلتهم وممكن تبقى لعبة جديدة، ومش حقيقى مثلاً واحد زى ماهر كان بان عليه الفلوس
سوكة: أنا شايف المكالمة بعينيّه الاتنين أنا شايف الورقة بتاعة الـ4 "مليون" يا بنتى بعينيه شايف خمس معلومات مؤكدة منها أول معلومة خاصة بماهر وأمل والمعلومتين التانيين بخصوص وائل غنيم وبعد كده المعلومة الأخيرة مش فاكرها

شاهد الفيديو :

https://www.youtube.com/watch?v=qyO_5fAKbTg&feature=youtu.be


 

أهم الاخبار