مبارك يحتفل بعيد ميلاده خلف القضبان

يحتفل الرئيس السابق محمد حسنى مبارك اليوم بعيد ميلاده الخامس والثمانين، وهو خلف القضبان على خلفية اتهامه فى قضايا فساد,

وقتل المتظاهرين في أثناء ثورة 25 يناير, وكذلك قضايا كسب غير مشروعة.
ورصدت "بوابة الوفد" ردود أفعال المواطنين تجاه مبارك عقب وصول جماعة الإخوان المسلمين للحكم، وعدم تحقيقهم للأهداف التى قامت من أجلها ثورة يناير (عيش – حرية – عدالة اجتماعية)، وقيامهم بإدارة البلاد بأساليب النظام السابق نفسها.
وقال صالح عادل – موظف -:" أحب أن أهنئ الرئيس السابق، وأقول له كل سنة وأنت طيب"، وأضاف موجها كلامه لمبارك" الله يردك سالمًا إلى بيتك إن شاء الله... ففى الفترة التى حكمت فيها البلاد كانت مصر آمنة".
واتفق معه حسين محمود أحمد يعمل - محاسب – قائلا:" حسنى مبارك رجل ربنا يفك حبسه والحاجات اللى بنشوفها دلوقتى خلتنا نعرف قيمة  فتراتك الرئاسية ".
بينما أرسل علي جمال رسالة لمبارك قائلا:" دمرتنا ودمرت الشباب ودمرت بلدنا.. اقتصاد البلد نزل والشباب مدمر ومش

عارف يعمل أى حاجة".
وأضاف محمود عزب خريج كلية حقوق عين شمس:" حسبى الله ونعم الوكيل علشان أنا وكتير زيي متعلمين وقاعدين فى البيت بسبب الفساد فى عهدك".
أما الحجة سناء فقالت لمبارك:" أهنئ الرئيس مبارك وبقوله كل سنة وأنت طيب إحنا فقدنا الأمل من بعدك والأمان و ياريت ترجع لنا تانى".
وقال محمود حسين – صاحب معرض سيارات -:" كل سنة وأنت طيب وياريت ترجعلنا تانى"، وأضاف "ولا يوم من أيامك يا مبارك".
وعلقت الحجة فكيهة:"ربنا يشفيه لإن البلد فى عهده كان حالها أحسن والرئيس اللى موجود دلوقتى ربنا يقدره ويخلى البلد أحسن" معربة عن أملها في عودة الأمن للشارع المصرى.