فيديو.هشام قاسم: مترجم ويكليكس "عبيط القرية"

الشارع السياسي

الثلاثاء, 03 يناير 2012 15:12
كتبت- سمر فواز:

وجه الناشر هشام قاسم انتقادات لاذعة لرئيس تحرير وكالة أمريكا أن أرابيك بعدما قامت الوكالة بحسب قاسم بفبركة ترجمة تقرير ويكليكس حول أسماء الناشطين والسياسيين المصريين الذين حصلوا علي تمويلات أجنبية نظير عملهم فى مصر .

وقام قاسم بتوضيح موقفه من ذكر اسمه فى القائمة التي نشرتها عدة مواقع الكترونية على حسابه الشخصي علي الموقع الاجتماعي الفيس بوك .

وكتب قاسم النص الاتي :

" في تساؤلات عن وكالة امريكا إن أرابيك اللي نشرت

مقالا عن تسريبات الويكيليكس لبرقيات دبلوماسية امريكية عن تعامل السفارة مع نشطاء سياسيين مصريين.، أنا أعرف الوكالة دي كويس وعماد مكي رئيس تحريرها وهو كان بيكتب لصحف أجنبية بالقطعة زمان وبعدين هاجر أمريكا على أمل إنه يلاقي شغل, الدنيا لطشت معاه وابتدى يبقى معروف على إنه عبيط القرية وظهر كام مرة على قناة الحرة وكان دايما مثار سخرية وتحفظ
المشاركين في أي نقاش, تلاقيه قاعد يتهته ويطلع بنظريات غريبة ولابس بدلة أحمر في أخضر وشكلها كده زي ما يكون نادغها جدي وسرعان ما اختفي من الساحة وبعدين قرر انه يستغل الاحتقان في العلاقات العربية الأمريكية ويؤسس وكالة تنشر اي حاجة ممكن تزيد الاحتقان وحاول يبيع اشتراكات للإعلام ولكنه فشل وما فيش ولا جرنال أو مؤسسة إعلامية عملت عنده اشتراك ومن وقت للتاني بيقرفنا بموضوع زي اللي نزل في الوفد والجمهورية وموقع وزارة الداخلية. عموما اللينك ده فيه كل ما ورد عني في الويكيليكس".

شاهد فيديو رد هشام قاسم علي التمويل في 2010

http://www.youtube.com/watch?v=by4KlgwlBpk&feature=related


 

أهم الاخبار