ميدو يهاجم لاعبي الزمالك: "مافيش قائد في الملعب"

شن أحمد حسام ميدو نجم الزمالك ومنتخب مصر السابق هجومًا عنيفًا على لاعبي الفارس الأبيض بعد الهزيمة من فاركو بثلاثية نظيفة في المباراة التي أقيمت بينهما مساء اليوم الاثنين ضمن مباريات الجولة السابعة عشر من الدوري المصري الممتاز.

 

اقرأ أيضًا..الزمالك يطلب تأجيل مباراة سموحه القادمة في الدوري

قال ميدو في تصريحاته عبر برنامج الريمونتادا على قناة المحور: "لاعيبة الزمالك مينفعش تتشال من المسئولية الخاصة بخسارة الفريق أمام فاركو، لاعيبة الزمالك لما بتلاقي أعذار ومشاكل حول النادي، بيمسكوا فيها، وتبدأ النتائج تتراجع".

وأضاف: "في أصول في الكورة، ولازم كل واحد من لاعيبة الزمالك يتحمل مسؤوليته، وبصراحة مفيش قائد في الملعب في الزمالك، عبد الشافي قائد لكن مش بيتكلم كتير

وده معروف عن شخصيته بيأدي دوره بشكل مثالي لكن مش بيتكلم مع اللاعيبة، النهاردة لاعيبة الزمالك بترمي على بعض".

وواصل: "كل لاعيبة الزمالك حاصلة على 25% من مستحقات هذا الموسم والكلام ده من أمير مرتضى نفسه والنسبة دي كويسة، يبقى كدة لازم تدي الجمهور اللي بيتعب معاك حقه".

واختتم: "الناس لو فضلت تشاور على بعض وترمي على بعض المركب هتغرق لازم كل واحد يتحمل مسئولياته".

 

لمتابعة المزيد من الأخبار بقسم الرياضة اضغط هنا..