سيد معوض يكشف أسباب اقالة جهاز حسام البدري

كشف سيد معوض المدرب المساعد السابق لـ منتخب مصر عن كواليس وأسبابإقالة الجهاز الفني السابق للفراعنة بقيادة حسام البدري.

 

إقرأ أيضاً.. مباراة مصر وليبيا دون جمهور

 

وقال سيد معوض في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "مكنش عندي صدمة من الإقالة، اي حد بيقرا الأحداث من فترة كبيرة هيبقى فاهم ان الجهاز ده ايامه معدودة".

وتابع "كان واضح ان الجهاز الفني مكمل وواقف على حاجة صغيرة لإقالته، في 3 أو 4 حاجات تخليك تعيش الواقع انك مش هتقعد لفترة طويلة".

وواصل "السبب الأول هو المهندس احمد مجاهد، أنا بتبسط وانا قاعد معاه وراجل محترم جدًا، لكن في أول حوار له بعد ما مسك اتحاد الكرة قال ان المدرب الأجنبي أفضل".

وأضاف "السبب الثاني هو أن الجهاز الفني بشكل عام عنده مشكلة إعلامية، كاشخاص انا مثلا معنديش مشكلة مع الإعلام، الله أعلم السبب بس ده كان واقع، كان واضح اننا اعلاميا مش مقبولين".

وكشف معوض عن ثالث ورابع الأسباب قائلًا "السبب

الثالث هو أن علاقة الجهاز بالإعلام أثرت على علاقة الجهاز بالجمهور، كل مشكلة بتكبر وكل حاجة عادية بتحصل بتكبر، عدم تقبل الجمهور من البداية، الجمهور كان قابل سيد معوض لكن كجهاز عامة، أما رابع الأسباب فهو عدد المباريات الي لعبها قوام منتخب مصر أهلي وزمالك وبيراميدز مديلك ايحاء ان اللعيبة دي مش هتعرف تمشي، ف الأداء مش هيكون حلو، الي عنده خبرة 10% هيبقى عارف ان اللعيبة مش هتعمل حاجة".

واختتم سيد معوض تصريحاته قائلًا "مع جهاز تاني مقبول جماهيريا واعلاميا كانت نقطة الأداء ممكن تعدي، لكن للـ 4 اسباب دي مش هتعدي".

 

لمتابعة المزيد من الأخبار بقسم الرياضة اضغط هنا