رئيس حزب الوفد

بهاء الدين أبو شقة

رئيس مجلس الإدارة

د.هانى سري الدين

رئيس التحرير

وجدي زين الدين

جماهير الأهلي تثني على تعليق مدحت شلبي على نهائي القرن

رياضة

السبت, 28 نوفمبر 2020 16:42
جماهير الأهلي تثني على تعليق مدحت شلبي على نهائي القرنمدحت شلبي

خاص - الوفد

أثنى مشجعو النادي الأهلي على تعليق مدحت شلبي، على قناة "أون تايم سبورت" الأرضية لمباراة نهائي القرن بين الأهلي والزمالك في نهائي دوري أبطال أفريقيا.

فقالو ضياء الدين عبر موقع تويتر  " كعادته مدحت شلبي دائمًا ما يترك بصمة في التعليق، امبارح في الجون الأول قال نصا "معلول رفع الزغلول".

محمود المهدي كتب " كان نفسي مدحت شلبي يقول أااااااي أاااااااااااي أما الجول جه"، زياد قال " هوه بغض النظر عن الماتش بس فعلا كنت مفتقد مدحت شلبي".

اقرأ أيضا: شكرًا محاربي الزمالك.. جماهير القلعة البيضاء ترفع القبعة احترامًا
لجهودهم

أحمد كتب " في وسط الاحتفالات امبارح نسينا عطسة مدحت شلبي"، جيمي كتب " زقها بجسمه ناحية اليمين بكل خبرات السنين وبكل ما في القلب من حنين داها باليمين (مدحت شلبي)".

محمد علي كتب " انا انفرجت على جول قفشه يجى ٣٠ مرة من حلاوته وعلى رأى مدحت شلبى لف الكورة لفة جاتوه".

كتب حساب آخر " أنا بقى محتاج فعلا فيديو الماتش كامل 90 دقيقة وما بعدها بتعليق مدحت شلبي

أتفرج عليه تاني بهدوء".

إيمان مراد قالت " بجد ازاي ازاي ماتفرجتش عالماتش بتعليق مدحت شلبي امبارح. أنا بشوف إعادة الأهداف بتعليقه بجد مش طبيعي".

عبدالرحمن حسن كتب " أنا شغلت جول قفشة ٩٠٠ مرة لحد دلوقتي بمزيكا ومن غير مزيكا بتعليق مدحت شلبي وتعليق الشوالي ومن وبصوت عادي ومن غير صوت خالص".

تيكو كتب " لما تتفرج على الماتش تانى و تكلمنى عن حيادية الإعلام .... اسمع أول ١٠ دقايق فى الماتش حتلاقى مدحت شلبى بيقول الاهلى متفوق جدا و الأقرب و الزمالك وحش و كله مشاكل ... بعد أول ١٠ دقايق الزمالك ركب و ابتدى يلعب مدحت شلبى مكنش لاقى حاجة يقولها غير بعد ٣٠ دقيقه ابتدى يقول موسيمانى".

 

أهم الاخبار