عاجل
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين

شباك عـــــلي الثورة

ـ حجة عشنا وشفنا صحيح ياولاد..  ويمكن لسه ياما نشوف.
هكذا قال عبده شمة ورد عليه أحمد القزعة.
ـ امال ياغيبوبة.. دي ثورة ياخبؤ.

فقال عبده شمة:
ـ فعلاً ياجزعة  ثورة.. ربنا يحميهم ويكفيهم شر اللي يأذيهم وينور طريقهم آمين يارب وقال القزعة:
ـ ولو اني مش فاهم انت بتقول إيه أصلا إنما ربنا يسمع منك.
وضحك عبده شمة قائلاً:
ـ وه وه وه مش فاهم كيف يبجرة!
فقال أحمد القزعة
ـ إنت كنت عمال تقول عشنا  وشفنا عشت ليه أولا وشفت إيه ثانيا.
فقال عبده شمة:
ـ الولد تبع الزمالك شايلين يافطة عميجولوا فيها انهم متضامنين مع شباب الالتراس تبع النادي الأهلي وبيطالبوا بالافراج عنهم فوراً.
قلت:
ـ وده الثورة ياحاج عبده.. ثورة 25 يناير اللي فجرها شباب مصر المحروسة ولسه ما كملتش وحتكمل باذن الله  وارادة الشباب اللي دفع تمنها مقدما من دمه وأرواح الشهداء رضوان الله عليهم.. هي دي الثورة واللي لسه مافهمش!!  يوعي من الطريق ماذا وإلا هتهرسه وقال أحمد القزعة لعبده شمة.
ـ استوعبت يامخشمون؟
قلت للقزعة:
ـ إن كان ع الحاج عبده هو أكيد استوعب لكن بقي يا قزعة الدور والباقي ع اللي ما استوعبوش ودول كتير

ولساهم في مواقعهم قبل الثورة وضاربين الطناش الشديد وكأنهم عايشين في بلد تانية ودول مع الأسف موجودين بكثرة في الإعلام سواء الرسمي أو الخصوصي وقال عبده شمة:
ــ تجصد قناة الأهلي ياعم أحمد؟
قلت:
_ عفارم عليك وده حيرجعنا للموضوع  اللي  كنا بنتكلم فيه امبارح
وضحك أحمد القزعة وقال
ـ طب وماله يرجعنا ما يرجعناش ليه؟
أدينا قاعدين أهه ماورناش حاجة
قلت:
ـ انتو عارفين قناة فضائية يعني إيه؟
فقال عبده شمة
ـ الله وكيلك ياعم أحمد أنا طول ما أنا جاعد في الدار ما بشوفش غير الجزعة  وبس وضحك أحمد القزعة قائلاً:
ـ لا ياواد مثقف قوي جتها نيلة اللي عايزة خلف قلت:
ـ قناة فضائية يعني دولة وكويس ان الحاج عبده جاب سيرة الجزيرة لأنها  نموذج لما تقدمه القناة الفضائية للدولة صاحبتها.