شباك علي الثورة
يا خسارة يا صاحبي.. اللي حواليك ضحكوا عليك.. أنا لما قابلتك لا بهرني فيك سلطانك وهيلمانك ولا شفت انك وحيد زمانك ولا لأنك ولا كأنك أنا اللي قربني ليك »جنانك« حطيت جنانك علي جناني وقعدنا نحلم زي الأغاني »تماثيل رخام ع الترعة واوبرا« الله يرحمك يا صلاح يا جاهين »علي رأس بستان الاشتراكية واقفين بنهندز ع الميه أمة ابطال علما و عمال ويومها سألتك.
- انت عارف جمال عبدالناصر مات ازاي؟
قلت له
- لا
قلت لك
- جمال عبدالناصر مات مسموم واللي سمه كان معايا في سجن الاستئناف وكان ممسوك في قضية تجسس مع العدو الصهيوني وانه معترف علي نفسه وعلي تسعتا شر طالب وطالبة من معهد العلاج الطبيعي اللي كان هو عميده وقلت لك انهم هربوه من السجن بالليل أثناء زيارة مناحم بيجين لصديقه الرئيس المؤمن محمد أنور السادات وقلت لك انه الآن في جنيف حيث يعمل في هيئة اليونسكو ووعدتني انك حتجيبه من هناك متكتف وتحطه قدامي وتقف تتفرج أيامها سألتك.
- تصور المغرب وتونس والجزائر وليبيا وموريتانيا والسودان دولة واحدة.
وفاكر انك قلت لي
- اسرائيل مش هي المشكلة
قلت لك
ضحكت وقلت لك
- اوعي تكون دي نظرية جديدة من الكتاب الاخضر
قلت لي
- الكيان الصهيوني كيان معادي للحقيقة فقط لكن النظام السعودي معادي للحقيقة وللمعرفة
قلت لك
- طب بالراحة علي عشان اقدر استوعب يعني إيه معادي للمعرفة؟ عرفتها ازاي دي
حكيت لي حكاية الشرطي اللي دخل ع الضابط في المخفر وقال له
- سيدي معي اتنين متعاركين شو أسوي فيهم
قال له
- احبس الاجنبي
قال له
- الاتنين اجانب
قال له
- احبس المصري
قال له
- الاتنين مصريين
قال له
- احبس المدرس
ولما سألتك فرد علي صديقك مظفر النواب ليه؟
قلت لي
- لأنه كان رافض مجرد المناقشة في موضوع الوحدة بين ليبيا والمغرب وقال لي ازاي تتوحد مع
قلت لك
- وكان رأي مظفر ايه
قلت لي
- كان رأيه ان الملك الحسن اخون من السادات ألف مرة
قلت لك
- وانا مع مظفر
والآن يا صديقي انا بالصدفة شفت الفضائية الليبية ولقيت اطفال رافعين صورك واعلام ليبيا وماشيين يهتفوا »الله ومعمر وليبيا وبس« وبغض النظر عن رأيي في هذا الشعار عايز اقولك.
- طب ما هم الاطفال اللي في عمرهم في بنغازي ومصراته وباقي مدن الشرق الليبي بيندفنوا تحت الانقاض وهما احياء. ما بيصعبوش عليك! طب ليبيا حلمك الاخضر زي ما قلت لي تهون عليك وهي بتترنح تحت القصف الرهيب لطائرات »الصليبيين« كما سميتهم انت.
- اسمعني يا صديقي اذا كنت لسه بتحب ليبيا اخلع ارحل يا معمر عشان تعرف امريكا وفرنسا وانجلترا جايين ينقذوا الشعب الليبي ولا عينهم علي النفط الليبي ارحل يا معمر لانك حترحل حترحل وهذه نصيحة صديق صدوق.