رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

شباك علي الثورة

إسرائيل.. طفل الخطيئة

احمد فؤاد نجم

الأحد, 19 أغسطس 2012 22:03
بقلم -أحمد فؤاد نجم

سألت مسعد أبو فجر
ـ إيه يا أبو رناد اللي حصل من طقطق لسلامو عليكو؟
فقال:
ـ اللي حصل فين يا عم أحمد؟
قلت:

ـ اللي حصل عندكم.
ضحك بحرارة وقال:
ـ حتي انت ياعم أحمد؟ حتي انت ياسفير الفقراء؟
انت يا أبو المصريين!
فقال ميشو في محاولة لتلطيف الجو.
ـ حتي فساتيني التي أهملتها.. فيه إيه يا مسعد؟ انت خدت عمك أحمد مراجيحي كده ليه!
هنا قال الدكتور أشرف:
ـ أنا عارف أبو رناد زعلان من إيه وبيتهيألي انه معاه كل الحق في زعلة من طقطق لسلامو  عليكو.
فقال مسعد:
ـ تشكر ياحكيم  وأرجوك تفهم الأخ ميشو
فقال ميشو ضاحكاً:
ـ يفهمني أنا ليه؟ يفهم الكبير بتاعنا.
ضحك الدكتور أشرف قائلاً:
ـ مانت واد معفن صحيح ـ يعني كده تبقي انت عرفت أبو رناد زعلان من إيه.
فقال ميشو:
ـ ودي عايزة ذكاوة يا حكيم؟
قلت:
ـ أبو رناد معاه حق في زعله ياحكيم وأنا بصراحة تعمدت أن اتجه بالحديث إلي هذا المنحي لأن الموضوع بالتكرار تحول إلي خطأ شايع لا يثير أي نوع من الدهشة أو حتي التساؤل. انت فاكر واقعة اغتصاب فلسطين سنة 1948.
ـ وهي دي  واقعة تتنسي ياعم أحمد؟
ـ قلت:
أنا لا أقصد واقعة اغتصاب فلسطين

كحدث أذهل العالم.
فقال ميشو:
تقصد يا أبو نوارة؟
قلت:
ـ أقصد رد الفعل العربي ياجهول.
فقال مسعد أبو فجر
ـ تسلم يا عم أحمد.
فتساءل ميشو:
ـ طب ماتنورنا ربنا يخليك لينا يابو زينب.
قلت:
ـ تماما كما هو حاصل الآن سيناء تحترق تنفيذا لمخطط صهيوني أمريكي شيطاني ونحن نسأل سكان سيناء المصريين ماذا يحدث عندكم في سيناء! مش دي تبقي خيبة بالويبه؟ فاكر يا أشرف بعد تمثيلية تدخل الجيوش النظامية العربية في  فلسطين؟
فقال الدكتور أشرف:
ـ فاكر ياعم أحمد:
قلت:
ـ وفاكر الهزيمة السريعة لكل الجيوش النظامية العربية أمام شرذمة من عصابات الهاجاناه  وشترن زماي وو.
قال:
ـ فاكر ياعم أحمد؟
قلت:
ـ وفاكر يا حكيم رد فعل الشارع العربي علي تلك المؤامرة المهزلة؟
قال:
ـ وفاكر دور الإعلام الرسمي العربي حين أطلق طفل الخطيئة لقب "إسرائيل المزعومة".