رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين

نبض الشارع

عنقود عنب
لمس النسيم
بيجرحه
طاب واستوى
هفه الهوى

قام طوحه
واتفرفط العقد العقيقه
واتبعتر اللولى الرقيق
ضاع المتيم ع الطريق
ما عرفش يرجع مطرحه
عنقود عنب
ادى يا سيدى اللى باكتبه فى أوقات الفراغ إنما اللى أنا عايز اكتبه فعلا مالوش دعوة بعنقود العنب ولا حزمة الكرات والجرجير. اللى أنا عايز اكتب له دعوة مصر المحروسة وشبابها الجميل النجيب وثورته العظيمة اللى لحد وقتنا هذا لم تكتمل وفى هذا الخصوص سألنى ميشو كده يبقى الإخوان والعسكر استولوا على الثورة وبيقسموها بالنص!
قلت له:
اخرس
قال لى:
يا حول الله هو أنا كل ما أقول كلمة حق فى البلد دى يقولوا لى اخرس!
قلت له:
دى مش كلمة حق دى وجهة نظر
قال لى:
طب تقدر تقول لى فين الثوار؟
قلت له:
الثوار موجودين بطول مصر المحروسة وعرضها وصاحيين وشايفين

اللى بيحصل
قال لى:
طب ورأيهم ايه فى اللى بيحصل بعد ثورة 25 يناير؟
قال له:
رأيهم هتسمعه وتشوفه فى الموعد المنتظر
قال لى:
امتى الموعد المنتظر ده يا عم أحمد؟
قلت له:
برضه فى الموعد المنتظر
قال لى:
تانى يا عم أحمد؟
قلت له:
وتالت ورابع ومية وألف والمثل الشعبى بيقول طول ما أنت طبال أنا زمار
ضحك وقال لى:
أنت بتجيب الكلام العجيب ده منين؟
قلت له:
من الشارع والحارة والنجع والكفر والقرية والبلد، حط ودنك على نبض الشارع يا ميشو عشان تسمع وتفهم وتتعلم طاوعنى يا ميشو.