قصيدة فيها الروح

فين اخر الصبر يا شيخ ايوب
ولإمتي الحر
بيبات مغلوب
الجو ضباب
الوقت غروب
الديب ع الباب

الباب موروب
الحرب الحرب الحرب
ولا غير الحرب سبيل
والضرب الضرب الضرب
علي ناصية كل ذليل
النار والعار
لعدو العار
والموت للخاين والغدار

كان جدي كبير السن وكان
بيقولي كلام
زي القرآن
الحق عجوز وقديم ويغر
لكن ما يموتش وله طلاب
والحزم صديق في الوقت المر
ولا غير العزم تلاقي صحاب
والارض براح
وإن داسها الذل
تضيق بالناس
والحفدة تموت
ويعربد فيها البوم اجناس ولا تبقي حياة
ولا يبقي نظام
ولا خطوة تسير بالناس قدام
ولا تعرف بكرة حيجي بإيه
ولا تفهم معني لأي كلام
ونلف نلف
وبرضه نقول
الحرب سجال داير علي طول
والسكة أمل
والبنه عمل
والجهد حياة
والراحة شلل
يازنود الناس الشغالة
ملعونة الراحة في خط النار
الثورة عروسة يا رجالة
لكن ممهورة بالاحرار
التار يا ولاد فرعون التار
التار بقي ميت مليون قنطار
وخلاص الشعب الحُر اختار
الحرب الحرب الحرب
وليحيا كفاح الشعب

القصيدة دي كتبتها سنة 1961 لكن لسة فيها الروح!
إيه رأيك بقي عايز الرئيس محمد كرسي ولا عايز الشفيق احمد فريق؟ واوعي تقولي لا ده ولا ده لأنك حتضحك يعني حتضحك فهمتني يا حاج؟ ومدد يا سيدي الجعان.