كشف المستور

الحلقة الثالثة

بعد لستعمار ماخيّم
بجناحاته ع الهنود
والسحاب المر غيم
ع المصارف والسدود

نامت الهند وطواها
ليل كما الأحزان تقيل
والتعصب كان متاهة
فى طريق واعر طويل
هد قوتها وعماها
والدليل؟
مفيش دليل
هندوس فى مسلمين
أنجاس فى منبوذين
حكام فى محكومين
ظلاّم فى مظلومين
صبحوا الهنود حيارى
ياتلميت مليون خسارة
على بلاد الحضارة
والناس الطيبين
وانتشر ياهند رعبك
لما خاض الصعب شعبك
وحش لستعمار بينهش
فيكى ويقول المزيد
والمزيد من شعبك انتى
كل يوم يزيد مزيد
م الجواعة والحيارى
اللى باتوا ع الحديد
والبنوك عمالة تخوى
والطابور عمال يزيد
فيه وحوش فى الهند لكن
لغاهم الوحش الجديد
وحش طاغى
وقلبه لاغى
يمسخ الأحرار عبيد
مظهره آخر براءة
بس نابه من حديد
صدى صوت نسائى
موهنداس
موهنداس
دارت بالهند الأحداث
الشعب مقطع أشلاء
والجهل معربد
والداء
والفقر فتوة وبالقوة
كابش فى خناق الخناق
الجهل معربد والداء
والشعب مقطع أشلاء
الشعب مقطع أشلاء
آدى حال الهند كان
فى زمان ماهوش زمان
واللى جاى فى القصة لسه
له على الأوراق مكان
والمعاد للرد بكرة
كل شىء وله أوان
<><>
الطفلة سميرة إبراهيم ضحية كشف العذرية فى السجن الحربى نحن على موعد معها قريباً لكشف المستور والمسكوت عنه.