اصحي يا مصر

اصحي يا مصر
هزي هلالك هاتي النصر
كوني يا مصر
وعيشي يا مصر
اصحي يا مصر
اصحي يا مصر
*

اصحي يا عامل مصر يامجدع
وافهم دورك في الوردية
مهما بتتعب مهما بتصنع
تعبك رايح للحرامية
جهدك عملك
رزق عيالك
عرقك مرقك
ولا يهنالك
اصحي يا عامل غير حالك
صون المصنع
واصنع مصر
اصحي يا مصر
اصحي يا مصر
*
اصحي يا زارع مصر الخضرا
قدرة وخضرة ونور وجمال
ابدر غيطك واحمي البذرة
ضد الآفة والاستغلال
أرضك عرضك
باب الدار
صبحوا مداسة للسمسار
نعطش
ولا نشربش عكار طار
وصفة قالوها الحكما في مصر
اصحي يا مصر
اصحي يا مصر
* اصحي ياجندي ياتار الشهدا
عمي وخالك
اختي وأخوك
لجل ماتهدا ونارك تهدا
فرغ نارك في اللي خانوك
يا ابن الشعب
ياحامي الشعب
انت أملنا في يوم الصعب
اصحي يا جندي ودق الكعب
حرر مصر وطهر مصر
اصحي يا مصر
اصحي يامصر
* ياولاد الحلال يا ملحنين ويا مطربين اللي تعجبه الغنوة دي يتفضل ياخدها يلحنها ويغنيها وأنا متنازل لك عن جميع حقوق الطبع الميكانيكي اللي بيقولوا  عليه ومصر شاهدة علي وعليه ياللا ألا أونا ألا دو ألا تريه.