عزيزي البلطجي.. تسمحلي أثبتك؟
على فكرة لإنت قديم قوى... لسه أساليبك تقليدية... يعنى مطواة وسنجة... واحد منهم يقولك: "لأ.. احنا عندنا مهارات جيدة في التواجد في جميع مصر بطريقة منظمة نغتصب فتيات، وندخل أفراح ونسرق الشبكة، ومعانا عطور أول ما تشمها هيغمي عليك، وبنرمي بيض علي العربيات، وأول ما تنزل تمسح الإزاز بقيت بتاعنا".
طب وبعدين، إيه الجديد لازم تطور في أسلوبك، في إنك تكون بلطجي في الحق،بلطجي على الظلم.
تخيل لو صحيت الصبح لاقيت الخبر ده، مجموعة من البلطجية ينجحون في القبض على مجموعة من المخربين؛ .. حاول تتعلم شغلانة غير شغلانة هات اللي في جيبك، لأن البلطجي اللي على حق يقول
تخيل إن اسمك كان علامة في الثورة، اتهموك بالخيانة وإنك فلول، طب إيه هو إنت مش ابن البلد دي ولا إيه.
إعمل حملة لتطهير اسمك وسمعتك بعد ما قالوا إنك بتطالب الرئيس المخلوع بالرجوع بعد ما عملتله الفتنة اللي بيحبها، إثبتلهم إنك مثقف وليك صفحة على الفيس، وهاتروح تشارك في حماية بلدك.
قالولي مفيش بلطجي هيقرالك، وأنا راهنت عليك، سيبك من إصطباحة، وبص لبكرة، وانسف أسلوبك القديم.