طرة لاند
طابور وجالك يا طرة *** ويا ما جالك روس
وهل تري يا هل تري *** ركبتوا سلك ناموس
ناقصين شوية يشرفوا *** تتساوي كل الروس
كل العصابة مشرفة *** والزينة ناقصة عروس
قاتل شباب الوطن *** سارق مليارات وفلوس
وصاحب مبيع خصخصة *** وجهه جهوم وعبوس
واللي ارتشي باع ذمته *** نايم وصاحي كابوس
واللي مضي ع النمر *** وباعنا للألمان بفلوس
احنا في عصر البقر *** ولا في عصر مجوس
اتلموا بينا الغجر *** بضرب السنج أو موس
فين يا قاضي البشر *** احكم تعلي الروس
ترجع لنا مصرنا *** وتنور شموع وفانوس