رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

يـــلاّ ثـــورة

إبداع

الخميس, 16 يونيو 2011 16:12
أشعار- طارق يوسف:

لما قالوا يلاّ ثورة

كلّ حزب يقول مشاورة

واللّي قالوا بيوتنا عورة

والبليد عشقه البشاورة

واللي قال اظبط أجندة

واللي قالوا شيل ده من ده

الحكاية أكيد مناورة

***

كان يوميها يوم تلات

الشباب نص البنات

اللي بايظ واللي ساقط

واللي شُرطُه منّه ساقط

واللي قالوا شغل فيس

والبعيد كان واد خبيث

لما قال ده شغل شات

***

وأمّا شفت الشرطة طالعة

والمباحث جايّة خالعة

واللواري جاية ترمي

والشباب عاوزينها سلمي

واللي فاهمُه وِجه في علمي

نص ساعة هلاقي سوسو

خد جروبّه وخاف يلوصوا

الحقونا الدنيا والعة

***

في العصاري بابص بصّة

اللواري رصّة رصّة

واللي شفته شُرطُة ساقط

التقيته في دمه ساقط

واللي شعره كان كنيش

قام يوزع فول وعيش

قمت أسب وأقول في نفسي

أنت لسّه ما تساويش

 

شاهد الفيديو


 

 

أهم الاخبار