انفلات

ما تقولشي عيشي وسمني

وبلدنا في انفلات أمني

ما تقولشي قايمة وفردي

وسيبك ده الإئتلاف ضمني

................

منين يا عيسوي ظابطها

حاكم غفيرها وظابطها

إسأل ناصحها وعبيطها

ها تلاقي صمتك ناقطها

...........

بتقول سجونك ساككها

والشفرة!! طب مين فاككها

وكام حرامي ولومنجي

في لحظة قالوا فكيكها

...........

دستور قيافة يا سيدنا

بمقاس يلبس والدنا

وشد حيلك معانا

إيدك يا مصري في إيدنا

..........

ها ييجي مجلس نزاهة

والقاضي بيقول بلاها

يا نبقي هيئة قوية

يا ننعي خالتك نزاهة

فيديو