يا شعب ولّع ثورتك

إبداع

الجمعة, 08 أبريل 2011 13:39
كلمات الشاعر : طارق يوسف

 

يا شعب ولّع ثورتك

ورّي الجميع  مصريتك

ما تسبشي قرش  ف ثروتك

لعصابة خربت دولتك

يا شعب ولّع ثورتك

***

يا شعب قوم قول للجمل

عملت إيه في حرب الجمل

دم الشهيد حا يغرقك

لو حس خيبة في الأمل

يا شعب ولّع ثورتك

***

يا شعب قولوا عا المفيد

شهاب وجودة غير مفيد

رايح تجيبه في الحوار

والشعب بينو وبينو تار

يا شعب ولّع ثورتك

***

يا شعب قول لعصام شرف

ما تسيبش مليم انصرف

على فجر عزمي  في الديوان

على كدب فتحي ف برلمان

على كلب حسني وسوزان

على فحش صفوت من زمان

ومادام  فيادهم ده اتعرف

حط العصابة في اللمان

يا شعب ولّع ثورتك

***

 

أهم الاخبار