صوت الشهيد

نادي الشهيد بصوت من بعيد

قالك يا امي فرحان انا بتوبي الجديد

توبي انا مفيهوش زراير من حديد

ولا فيه قيود متحكمة تمسك في ايد

ولا نيران جوه القلوب فيننا تقيد

ولا مشانق في الرقاب تخنق تزيد

صوت الشهيد نادي وقال يا وطن

مسلم مسيحي ويا بعض في المحن

محمد وجرجس ويا عيد قدام مكن

وشنوده جنب عبده عايشين في السكن

وهلال هناك يحضن صليب حضنه سكن

ومفيش ما بيننا اي فتنه من الازل

صوت الشهيد نادي وقال انا حر انا

عايش في جنه عند ربي في

انا زي نجمه عايشه فوق جنب السنا

وهاكون شهاب يحرق عدو داس ارضنا

يا مصر في الارض انتي جنة ربنا

عيشي في كرامة ويا عزة يا مصرنا

من النهاردة مفيش خلاص عبيد وسيد

ولا سياط في ايدين بشر تجلد عبيد

قومي افرحي عهدك خلاص عاد من جديد

انا بافتخر اني فوق ارضك شهيد