عاوز من الريس

عم فتحى البقال: يكون ابن عز "بس مش أحمد عز"

أسرة

السبت, 19 مايو 2012 23:51
عم فتحى البقال: يكون ابن عز بس مش أحمد عز
كتب: عاطف دعبس وشيرين يحيى

عم فتحى محمد (58 عاما) بقال بسيط فى شارع الحكمة بطنطا وابن الكفور القبلية وهو أب وحاله يادوب ماشى ببركة ربنا. أحلامه الشخصية بسيطة ويتمنى وصول رئيس لمصر أم الدنيا يليق بحضارتها وأصالة شعبها والخير اللى فيها.

ويقول عم فتحى البقال: قبل الثورة ماكنش فيه حد بيحلم لأن الحلم كان كابوس والكل كان بيقضيها كلام والسلام وعندما نجحت ثورة الشباب. أصبح الحلم مش مستحيل وأنا حلمى ان الرئيس يكون أصيل وابن عز «بس مش أحمد عز بتاع الحديد و يكون قلبه رحيم وفيه شهامة. وقال عم فتحى البقال:

أنا متأكد إن بكره أحلى من النهاردة يكفى إن الشعب بيتكلم على انتخاب وأمل جديد بدون تزوير وقلة أدب.

عامل نظافة: ماينساش الفقير!

عامل نظافة بسيط شأنه شأن آلاف المصريين يعانى غلاء الأسعار، التى لم تتغير كثيراً بعد الثورة.
جمعة محمد «58 عاماً»، لم يقرر مرشحه الرئاسى حتى الآن، إلا أنه يتمنى لمصر المحروسة رئيساً يخاف على أبنائها ويوفر حياة كريمة له ولأسرته، ويستطيع أن يحدث تغييراً جذرياً فى حياة الفقير، الذى ظل يعانى على مدار 30 عاماً الماضية.
يقول «جمعة»: «أنا مع اللى هيختاره الشعب فهم أدرى بمصلحة البلد».

أهم الاخبار