رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

رسالة مذيع البيجامة للرئيس الجديد

أخبار

السبت, 07 يونيو 2014 17:06
رسالة مذيع البيجامة للرئيس الجديد
كتب – فادى الصاوى:

وجه الإعلامى "على بيجامة" رسالة لرئيس مصر الجديد، طالبه خلالها بالاهتمام بالشباب وإعطائهم الدعم اللازم ليطوروا أفكارهم، والحفاظ عليهم حتى لا يهربوا إلى الخارج ويستفيد منهم الآخرون.

وقال خلال برنامجه "بيجامة وشعب وصورة رئيس" على قناة "دريم2 "، اليوم السبت: "بص يا ريس، أنا هجيبهالك من الآخر وعلى بلاطة، عشمى فيك كبير أوى أن تقف بجانب الشباب وأفكارهم وتعطيهم الدعم لكى يطوروا أفكارهم لبلادهم".
وحذر مذيع البيجامة الرئيس الجديد قائلاً: "إوعى يا ريس تدّيهم على قفاهم وتبقى

كل الشعارات اللى قولتها فى الانتخابات فِستك وملهاش أى لازمة، الشعب والشباب حاطط أمل عليك كبير أوى، وإحنا مش عايزين منحة، وإنما عايزين ضهر يخلينا ننفذ كل أفكارنا".
فى السياق ذاته، أشاد "بيجامة" بدور الرئيس الراحل محمد أنور السادات فى حرب أكتوبر، وأوضح أنه قائد عظيم أعاد إلينا كرامتنا، بعدما وضع خطة لاسترداد سيناء لم تحتج إلى أسلحة ودبابات وإنما إلى خراطيم مياه "وشوية
دماغ بتفكر".
وعن مبارك قال مذيع البيجامة: "فى عهد مبارك مكانش فيه تطوير للأفكار أصلاً"، مشيرًا إلى أنه "نسى أن الثورة الحقيقية فى البلد دى هيا الناس مش الفلوس، وبدل ما يهتم بالناس وأفكارهم حصل العكس تمامًا، وكان كل واحد صاحب فكرة بينداس بالجزم يا يهرب للخارج والناس التانية تستفيد منه ويبقى مخترع وعبقرى" مضيفًا: "مش عارف أقولك حاجة يا ريس غير الله يسامحك".
وأشار إلى أن الرئيس المعزول محمد مرسى لم يكن لديه دراية بالأفكار والإبداع والتطوير لأنه كان يسير خلف شخص واحد، وهو مرشد جماعة الإخوان "اللى بيشوف وبيفكر ويبدع وحده، لأنه بديع".

شاهد الفيديو: 
http://www.youtube.com/watch?v=7Pskw45ih48&feature=youtu.be
http://www.youtube.com/watch?v=Jqib9NYhC58&feature=youtu.be
http://www.youtube.com/watch?v=ILFyT5_F2aM&feature=youtu.be

أهم الاخبار