نشطاء لـ"عنان": حلو الفيلم الهندى

تداول نشطاء مواقع التواصل الاجتماعى، خبر نجاة الفريق سامى عنان من محاولة اغتيال فى منطقة الدقى، بسخرية شديدة.

يرى بعض النشطاء على صفحات المواقع الاجتماعية أن الحادث ما هو إلا أكذوبة لمحاولة جذب الانتباه حوله، وكسب تعاطف الشعب المصرى، مؤكدين على أنه لا يمثل خطرًا على أى مرشح منافس له كى يقوم باغتياله.
بينما يرى البعض الآخر أنه أطلق هذه الشائعة لكى تقوم القوات المسلحة بتكثيف عدد الحراسة المكلفلة بتأمينه.
وجاءت أبرز تعليقات نشطاء مواقع التواصل الاجتماعى على هذا الموضوع كالآتى:
ـ "أكيد اللى حاول يغتال سامى عنان هما الإخوان علشان هما مش عاوزينه رئيس وعاوزين السيسى، مش محتاجه فكاكة".
ـ "عنان لاحظ عربيتين راكبهم مجهولين بيتبّعوه، فعرف انها محاولة

اغتيال وهرب، المفروض كل واحد راكب عربية فى البلد يهرب لأنه ميعرفش اللى حواليه".
ـ  "الدعاية اشتغلت بدرى أوى ياعنان، طب كنت اسبُكها أكتر من كده".
ـ  "محاولة اغتيال سامى عنان من قبل مجهولين،  لا يا راجل، طب عينى ف عينك كدا".
ـ "حلو الفيلم الهندى ده يابن ... !! قال محاوله اغتيال!! ".
ـ  "بذمتك وانت وسط الدوشة محدش جه جنبك، هيغتالوك دلوقتى على إيه يا حسرة".
ـ "ههههههههههههههههههههه كدب ودعاية فاضية ملهاش أى لزوم".