الرئيس السيسي: كل قرية في مصر لازم يدخلها صرف ومياه شرب (فيديو)
قال الرئيس عبد الفتاح السيسي، إن كل قرى الصعيد والدلتا مشمولة في برنامج حياة كريمة لتنمية الريف المصري، مؤكدًا أنه سيتم الانتهاء من مشروع حياة كريمة خلال عامين ونصف العام، حيث ستبدأ المرحلة الثانية من المشروع في شهر يونيو المقبل.
اقرأ أيضًا.. السيسي: تخصيص 200 مليون جنيه من تحيا مصر لدعم الصناعات
وقال الرئيس: إن مصر جمايلها علينا كلنا، مشيرا إلى أن مبادرة حياة كريمة ستغطي جميع القرى خلال 3 سنين، مضيفا: أخذنا أول ثُلث وهو أصعب حاجة هاتقولى فيه حاجات صعبة هقولك اللى احنا اخترناه كان أصعب .
وأضاف: "التلت ده يخلص في سنة هنعمل فيه الصرف الصحي ومراجعة الميه والصرف والكهرباء والطرق وتبطين الترع وتوفير الغاز والاتصالات.. بنتكلم على دولة بتخش على كل ريف مصر صعيد دلتا والتوابع ده موضوع مش متنقى.. مش هنسيسب حد البرنامج لكل قرية في مصر لازم يخشلها صرف صحى وميه شرب وكل قرية ممكن يخشلها الغاز هيدخل والاتصالات والنت واللى حاجات دي.. ولو مفيش مدارس لو المستشفى هنعمل ثم المحليات بتاعتها".
وتابع الرئيس: "أملنا عند ربنا إن في 3 سنين نقدرنوفى بالوعد ده من الدولة المصرية.. كهرباء يعني إيه؟ ممكن يكون جودتها بتقطع شوية احنا بنتكلم عن جودة كهرباء حقيقية، متابعا أنه بعد 6 شهور هنخش على التلت التاني وياخد سنة، وبعد سنة نخش على التلت الأخير، يبقا كده خلصنا الريف بتاع كل قرى مصر وتوابعها.. احنا باصين لكل ريف مصر من الجيزة والصف لغاية أسوان والبرنامج الموجود "حياة كريمة" هنغطي كل الملاحظات ويا رب بارك لمصر".
وجه الرئيس عبدالفتاح السيسي، الحكومة بتخصيص200 مليون جنيه من تحيا مصر لدعم الصناعات
وتابع أن الدولة خصصت مكان ضخم في العاصمة الإدارية في إطار اهتمامها بالتراث المصري الأصيل، داعيًا العارضين للمشاركة في معارض العاصمة الإدارية بمنتجات ذات جودة وتنافسية عالمية تليق بتاريخ وحضارة مصر.
ووصل الرئيس السيسي منذ قليل، إلى مدينة أسوان الجديدة؛ لافتتاح المرحلة الأولى من المدينة، بحضور رئيس الوزراء الدكتور مصطفى مدبولي، وعدد من الوزراء والمسؤولين.
أجرى الرئيس عبد الفتاح السيسي، جولة تفقدية بمدينة أسوان الجديدة وكورنيش المدينة ومنطقة الإسكان والفيلات، كما تفقد الرئيس السيسى، منذ قليل، معرض الحرف اليدوية والتراثية بمدينة أسوان الجديدة، مشيدًا بجودة المعروضات وجهود أصحاب الحرف.
فيديو...
موضوعات ذات صلة...
السيسي من معرض الحرف التراثية بأسوان: الدولة معنية بالحفاظ على التراث وإحيائه (فيديو)
السيسي: عايزين نغني الناس مش ياخدوا دعم كل شوية والدولة متنهضش (فيديو)