(فيديو) السيسي لـ"المصريين": اللي بيتعمل حلم.. وعايزكم تفرحوا بقدراتكم

 قال الرئيس عبدالفتاح السيسي، إن الدولة تفاوضت مع الشركات التي تنتج الطلمبات الخاصة بمحطات الرفع وضخ المياه من أجل تخفيض الأسعار، معقبًا: "بنفاصل مع الناس، وبنقلل التكلفة عشان نعمل حاجات تانية".

 

اقرأ أيضًا: (فيديو) الرئيس السيسي: "بيني وبين الباطل والشر والتعدي والظلم خصومة"

 

 وأضاف "السيسي" خلال كلمته في افتتاح محطة معالجة مياه بحر البقر، اليوم الإثنين: "قعدنا وفاصلنا مع الشركات اللى بتجيب الطلمبات علشان نفاصل معاهم في تمن حاجتنا اللى بنجيبها لبلدنا علشان ناخد أحسن حاجة بأحسن سعر، ولو الموضوع ده بنعمله من غير حوكمة ممكن يصل إلى 200 مليار جنيه".

 وتابع: "يا مصريين شوفوا الحاجة بتتعمل إزاى؟ بنفاصل مع الناس علشان المقاولة كلها تتخفض والعمل اللى بيتعمل على الأرض وشبكة الكهرباء والمحولات عمل كبير قوى فوق الخيال.. عاوز

أخليكم تفرحوا بقدراتكم، واللى بيتعمل والله العظيم حلم وكرم كبير قوى من ربنا علينا علشان نعمله باقى إن إحنا نزرعه".

 ويفتتح السيسي محطة معالجة مياه مصرف بحر البقر التي تعد الأضخم من نوعها على مستوىى العالم بتكلفة حوالي 20 مليار جنيه، وبطاقة إنتاجية 5.6 مليون متر مكعب في اليوم من المياه المعالجة ثلاثيًا، سيتم نقلها إلى أراضي شمال سيناء لتسهم في استصلاح 400 ألف فدان في إطار المشروع القومي لتنمية سيناء ولتعزيز منظومة الاستخدام الأمثل للموارد المائية للدولة.