بعد تعرضه للسحر.. أحمد فلوكس: كنت عجوز من الداخل مربوط في حزن بلا سبب

شارك الفنان أحمد فلوكس جمهوره صورتان له، وذلك عبر صفحته الشخصية على موقع التواصل الإجتماعي الشهير "فيسبوك".

 

وعلق "فلوكس" على الصور قائلًا : "الصورتين دول مابيفرقوش عيني ولا عقلي.. الصوره اللي ببدله دي كانت في اسواء فتره في حياتي رغم اني كنت ناجح وشركاتي بتنجح وبتحرك وبشتغل وكنت بستغرب انا شكلي بيعجز ليه وليه عامل كده وليه الأبيض بقي كتير في دقني وليه مش سعيد وليه مش مظبوط و و تساولات كتير".

 

وتابع : "رغم اني كل شويه كنت بسافر اعمل عمره لكن شكلي وحياتي ونفسيتي وتصرفاتي بتسوء لاسوء.. فتره غريبة جدًا في كل حاجة.. دي فتره  اللي اكتشفت فيها حاجات كتير وحصل بعديها واقعه الأمن، دي الفتره اللي السحر والأعمال والدمار وشرور البشر والخيانة  والغدر والتوهان ومش شايف حاجة وكل ما هو سئ بيدمروا  فيا وفي صحتي وفي حياتي وانا مش فاهم حاجة".

وأستكمل حديثه قائلًا : "معمي البصيرة والاحساس عجوز من الداخل مربوط في حزن بلا سبب رغم نجاحي مش عاوز امثل مش عاوز حاجه ولا فاهم حاجة، وكل شويه مستشفي وكل شويه تعب والدكاتره

مش لاقيه سبب طبي صريح".

 

وأضاف : "الصورة التانية دي بعد ما ربنا عفاني واكرمني  بالشفاء من السحر والأعمال واذي من حولي والبصيره و الراحة.. عفاني من  اسوء انواع البشر واعطاني البصيرة لأرى من حولي جيدًا و اري قوة وعظمه ربنا في معطياتوا لينا ورحمه الله الواسعه".

 

وأختتم حديثه قائلًا : "قربوا من ربنا و اعلموا جيدا ان لن يمسكم سوء وستنور بصيرتكم.. نصيحة اختارواً الناس اللي تبقى في حياتكم كويس.. وابعدوا عن كل شخص موذي وكاريه و ماتتخدعوش بالمظاهر والكلام و قربوا قوي من ربنا، يارب ابعد كل اذى عن بيتي وأهلي وابني وعبادك يا رب.. واعطيني القوى لأحمي أهل بيتي وابني الصغير من الأذى.. ودمر كل من يحاول اذيتهم".