بعد انتهاء تصويره..كريم فهمي يوجه رسالة لفريق عمل مسلسل "ونحب تاني ليه"

أعلن الفنان كريم فهمي عن انتهاء تصوير مسلسله الرمضاني "ونحب تاني ليه"، وذلك عبر حسابه الرسمي على موق تبادل الصور والفيديوهات "انستجرام"

وجه فهمي رسالة شكر لفريق العمل المسلسل قائلاً:" حقيقي انا بحب المسلسل ده و مع اخر يوم احب اشكر كل حد اشتغلت معاه من جميع الاقسام و كل الممثلين علي رأسهم ياسمين عبد العزيز اختي و صديقتي الجدعه اللي مهما اتكلمت عليها مش هوفيها حقها و الاستاذ شريف منير اللي كان ليا الشرف اني اقف قدامه و هو قيمه كبيره جدا و كل كل الممثلين بجد انا حبيتهم جدا جدا "

وتابع قائلاً:"و شكرا عمرو محمود ياسين صاحبي المؤلف الشاطر اوي اللي بيحب شغله و سبب اساسي في نجاح العمل و المخرج طبعا مصطفي فكري الشاطر اللي مريحنا نفسيا و احنا قدام الكاميرا و مدير التصوير العالمي اخويا زيتون تسلم ايدك و مهندس الديكور

تامر و المونتير الجامد اوي عمرو عاصم و طبعا دنيا عبد المعبود الاستايلست الجامده اوي و مهندس الصوت محمد و طبعا طبعا سينيرجي شركة الانتاج ، بجد بحب الكرو ده جدا جدا ، الكلام ده من قلبي ، شكرا ليكو كلكوا"

مسلسل "ونحب تاني ليه"من بطولة كل من ياسمين عبدالعزيز، كريم فهمي، شريف منير، تارا عماد، سوسن بدر، عماد رشاد، كارلوين عزمي، أمينة مغربي، ممدوح الشناوي، صبا الرفاعي، علا رشدي، محسن صبري، تأليف عمرو محمود ياسين، وإخراج مصطفى فكري، وتدور أحداثه حول مشاكل الزواج والأسرة خلال مجموعة من الأحداث الكوميدية.