بعد عزاء هيثم أحمد زكي.. محمد محمود عبدالعزيز: سبقني وراح للحبايب

أعرب الفنان محمد محمود عبدالعزيز، عن حزنه الشديد على فراق صديق عمره هيثم أحمد زكي، وذلك عبر حسابه الرسمي على موقع تبادل الصور والفيديوهات الشهير "إنستجرام".

وكتب "محمد" عبر صفحته قائلًا :"النهاردة وأنا قاعد فى العزاء كذا مره أحس أن فى حاجة غلط، و كل شوية ابص فى وشوش الناس اللى داخلة وكأنى مستنى أشوف وش هيثم وأنسى تمامًا أن اللى أنا قاعد فيه ده عزاه وأنسى انه سبقنى وراح للحبايب".
وتابع :"رغم أننا آخر سنتين بالذات كنا بنتكلم كتير لكن المكالمة الأخيرة ليها وقع خاص جداً، يمكن لأنها الأخيرة أو يمكن لأننا غوطنا فى حاجات كتير قديمة و جديدة، حاجات فى الشغل، حاجات بتفرحنا و بتزعلنا حتى لو كانت تافهة واتريقنا على روحنا وحاجات عن أهلنا خصوصاً أبهاتنا أو يمكن لأننا اتكلمنا فى حاجات ليها علاقة بربنا والموت والحياة، مش عارف".
واستكمل حديثه قائلًا :"شهر ١١ بالنسبالى من الأشهر الصعبة عليا أوى، وفى عز ما أنا بحاول تأهيل نفسى نفسيًّا لاستقبال يوم ١٢ نوفمبر اللى هو يوم سنوية أبويا حصل موضوع هيثم يوم ٧ نوفمبر، اللهم لا اعتراض، الحمدلله على كل حال، الله يرحم أبويا و أبوك و يرحمك يا هيثم يا اخويا و يجمعنا ببعض على خير".

واختتم حديثه قائلًا :"اللهم اغفر لنا وارحمنا واهدينا إليك ولا تردنا إليك إلا و أنت راضٍ عنا يا رب العالمين.. (اسألكم الفاتحة والدعاء لأبويا وللأستاذ أحمد زكى ولأخويا هيثم أحمد زكى و لكل من رحلوا عنا).